Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
marginibus eorum undulatis. Calyx parvus est, monophyllus, in quinque
etiam segmenta valde angusta fissus. Reperies hujus pianti* exemplar
inter herbas siccatas, quas simul cum hac epistola ad Te mitto.
Flos Hellebori Fumari® foliis nectaria habet quinque flava; petala
etiam quinque; stamina tot quot sunt vaginulae, duodecim ut plurimum,
harum dorso appressa, admodum gracilia, apicibus flavis exiguis praedita.
Et hujus quoque specimen cum seminibus aestate praeterita in horto
Academico lectis mitto. Est sane haec planta valde singularis & elegans.
Icon quae in tractatu meo extat; illam non satis accurate repraesentat.
Valerianella nemorosa repens etc. Mess. radice repente, caulibus
procumbentibus, foliis, floribus, staminum numero crescendique modo,
fateor, cum Serpillifolia Buxb. omnino convenit. Verum si calicis &
fructus structuram & formam consideramus, qualis a Te & a Messersmidio
descripta est, aliquo modo differre videbitur. Tu calicem duplicem statuis
in Generibus plantarum, alterum qui floris germini insidet, alterum qui
fructum amplectitur; hunc autem esse capsulam ovatam, glabram,
trilocularem, calice fructus tectam. Messersmidius vero scribit calicem floris
quinquepartitum esse, summo semini oblongiuscule rotundo & hirsuto
insidentem & post florem deciduum superstitem. Vides igitur secundum
descriptionem Tuam Messersmidii plantam a Tua differre calice simplici,
semine non capsula contento, sed nudo hirsuto. Messersmidius nec se-,
mina nec siccata specimina secum ex Sibiria attulit, quorum attenta
consideratio & Tua & mea dubia solvere posset; nam & ipse fere persuasus
sum Valerianellam hanc eandem esse plantam, quae Serpillifolia
Bux-baumii. Inserui ejus descriptionem tractat de stirp. var. Ruth. ut
ulteriori inquisitioni ansam praeberet iis, qui regiones peragrant, in quibus
Auctor illam reperit.
Ex specimine sicco Lathyroidis, quod Tibi cum pluribus aliis mitto,
ipse satis superque videbis quam diversa sit planta ab Orobo Tuo quarto
in Horto Cliffortiano descripto. Coluntur in horto Academico aliquot
hujus plantae specimina, praeterita aestate e seminibus Irkutensibus enata,
flores autem nondum protulerunt.
Praeter plantam illam leguminosam cujus semina primus ad Cl.
Dillenium oxonium misi & ex qua Tu novum genus propter formam
corollae sub Trigonellae titulo constituisti, aliam hortus Academicus alit
speciem perraram, quae descripta est in tractatu de Stirp. rar. Ruth.
sub nomine Meliloti n. 159.
Chamaejasme fructum habet exsuccum, turbinatum, fere instar
Va-lerianellae vulgaris, adeoque ad Thymaeleas referri non potest. Praeter
ossicula Menispermi nulla alia pars hujus plantae in conspectum meum
<< prev. page << föreg. sida << >> nästa sida >> next page >>
