Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Primitias Florae petropolitanae accepi per tabellarium e
Germania; spero Te vidisse Browalli examen epicriseos siegesbeckianae;
Gleditschii Tr: contra siegesbeckium non dum vidi ipse1; audivi
tamen eundem dudum prodiisse. ubinam hodie degat siegesbeckius?
quo munere fungatur?
sed ad Tuas
N:o 31 Lathyroides est longe diversissima planta ab orobo
Horti cliffortiani.
N:o 30. Hemionitis est pulcherrima species, fructificationes
ad marginem gerens uti Pteris nostra.
N:o 29. Amethystina quam in literis describis quoad
fructificationem est omnino Lycopi species, sed omnino singularis.
N:o 28. Alsine viscosa & graveolens est Varietas Alsines
pratensis gramineo folio angustiore Tournef.
N:o 27. Spinacice forte species videtur ex fructu Atriplicis
species, calix seminis bivalvis basi verrucosus ut in plerisque; flores
autem hermaphroditos in specimine sicco vix clare video.
N:o 26. Artemisia &c: plantam antea numquam vidi, est
singularis.
N:o 25. Argusia. haec mihi gratissima fuit; est planta
As-perifolia, sed ex fructu generis distinctissimi.
N:o 24. Acinos possideo exemplar simillimum ex Horto Acad:
Ultrajectino; de mea novi quod nil sit nisi Acinos vulgaris cultura
major facta.
N:o 23. Geranium. quod daretur alia species Geranii
pedunculis unifloris, quam illa, quae in Horto cliff: recensita, et mihi et
aliis forte ignotum fuit; haec Tua vero aliud docuit, quae
distinctissima, et stipulas ad pedunculorum basin gerit, an semina in hac
hirsuta sint?
N:o 22. Ballote species pulcherrima, distinctissima.
N:o 21. Delphinium quod sit planta perennis mirum, an apud
vos etiam perennis sit?
N:o 20. Quid hoc? Geratoides orient: eleagni folio. Tournef.
cor. cum hac planta fructificatione omnino convenit, ad Urticam
a me relata fuit apud Royenum, sed haec Tua species distincta
est, cum altera a me visa foliis gaudeat lanceolato-linearibus.
vivam plantam numquam vidi; flores feminei cum urtica
conveniunt; Tu velim examines flosculos masculos, qui singulares.
N:o 19. Turritis, mihi Arabis, cum folia inferiora deficiant
de specie haereo; vide Halleri iter.
Linnés brefväxling. Afd. II: I. 5
<< prev. page << föreg. sida << >> nästa sida >> next page >>
