Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
anni viginli et ultra elapsi sunt. In tam longo temporis spatio doctis
tuis voluminibus saepissime incumbere nunquam me piguit nec taeduit.
Nunc paucis, occasione arrepta scribere liceat, cum palam tecum affari
non detur.
Hoc ipso mense vidi Rothomagi, non sine magna laetitia, Dominum
Biorn Stähl1 lingua; latina; professorem cum amantissimis duobus
discipulis Rudbeckiis,2 me ex tuo nomine humanissime Salutantem,
Dissertationes novas Upsalienses communicantem, quas avidius perlectas ipsi
reddidi tribus exceptis, duplicibus nempe, quae, largiente Domino in meam
cesserunt partem: de usu videlicet Historice naturalis in vita communi,
de usu Muscorum et Fmulamenta Entomologice. Gaeterae tractabant de
Opobalsamo, Ornithologia, Potu Thece, necessitate promovendos historice
naturalis in Rossia, Effectu et cura vitiorum diaeteticarum generali, Mundo
invisibili, Agrostographia, Horto culinari, Purgantibus indigenis, Sirene
Lacertina, Fundamentis fructificationis, et antropomorphis. Quae omnes
dissertationes plurima continent scitu dignissima, proditura forte in
Amoenitatibus tuis Academicis; quarum volumen primum tantum
possideo; licet probe sciam sex tomos jam esse in lucem editos; sed iila
pretiosa monumenta comparare huc usque non potui; uti nec decimam
editionem systematis naturae quam frustra Parisiis inquirendam curavi,
undecimam expectaturus, mox prodituram, teste Domino Biorn [!].
Quid non debet, vir clarissime, indefessis tuis laboribus orbis
eruditus! Tanta dona concessa tibi ab autore natur® cumulet idem et
Reparator noster et Largitor Gratiae additis donis supernaturalibus, ut
omnibus pariter ornatus post longam et tranquillam vitam in «ternum
quiescas in amplexu Veritatis.
Semina quaedam, clarissime vir, horto tuo Upsaliensi inserenda
postulavit Dominus Biorn Stdhl, tam a me misello plantularum aliquot
cultori, quam a Professore Horti Academici Rothomagensis.3 Promptuaria
adit valde diversa amicus tuus, vir clarissime; Hortus quippe noster
Academicus hypocausto et tepidario instructus plantas alit circiter 2200.
Hortulus vero meus cum angusta parte Frigidarii 1500 ut plurimum admittit.
Plura ergo et praetiosiora forte feres a Professore nostro, quam a me.
Ut ut haec sunt, quid quid in seminibus meis praesentis anni potui
colligere non occurrens in horti Upsaliensis Editione anni 1748, quae sola
prae manibus est, hoc lubens mitto, Plura additurus si matura fuissent,
aut per tempus et valetudinem licuisset. Quaedam forte viliora reperies,
vir clarissime, quae non selegissem, si in collectionis principio animadvertissem
hortum tuum plantas tantum exoticas exhibere. Fasciculos singulos ab. 1. ad
143. numero notavi, additis nomine generico et epitheto marginali specierum
<< prev. page << föreg. sida << >> nästa sida >> next page >>
