Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Si digneris mittere ad me quse generoso animo promisisti, ea
dirigas Stockholmiam cum nave, tradenda Archiatro Regio D.
Bcech in pharmacopea Svanen (sive Gygno) habitante.
Insectum istud quod caussat spicas steriles secalis apud nos
est Larva Phalaenae spirilinguis seticornis thorace fasciculis 2 bifidis,
abdomine 4 simplicibus alis fusco nebulosis lunula pallida,
descripta 1752 p. 62, ubi Phalsena seticornis spirilinguis fasciculata,
alis depressis griseo-fuscis striatis A latino inscriptis3.
Larva viridis linea dorsali rubra, intrat culmum inter folii
vaginam et culmum, et exedit culmum intra vaginam ut neque illa,
neque vulnus externe pateat, post aliquot dies exit ex hoc culmo,
intrat alium; nulla inde noxa oculis observatur, tantum spica evadit
alba, cassa, demum relinquit culmos, et in terra subit
metamor-phosin. Si possum hac aestate excludere, mittam phalaenam.
Num-quam tangit hordeum.
est alias Musca minima quae in Svecia ad minimum destruit
quotannis decimam partem Hordei omnis, quaj singula habitat intra
glumam floris; nec observata fuit ab ullo, antequam a me, pulice
minor; hordeum maturescit, sed evadit minus et leve, quod itaque
dant gallinis et pecoribus4.
Si vis insecta mittere, possum iurare ut habeas fere omnia
insecta sueciae, cum adscriptis numeris Faunae.
Doleo quod D. B. Jussieu rarissime scribat; ille.. .5 nostri sidus
est; illum prae omnibus magni facio; ille ditissimus omnium est
observationibus solidis et fidis.
Intellexi ex Lemna, Sauvagesia et reliquis, quod Tu vir
illustris vere eruditus sis.
Bahobab dixit D. B. jussieu Adansoniam, sed characterem non
misit, nec florem umquam vidi; dicas si noristi[!] ad quem classem
spectet6.
Quotidie novas plantas habeo a discipulis qui peregrinantur.
Si vis mittere novi generis characterem, Tuo nomine
insignitum eundem edam.
intra 6 hebdomadas alter tomus specierum mearum plantarum
prodibit e prelo; ex iis videbis quas plantas ego possideo.
Ter vale, dabam Upsalise d. 14 maj. 1753.
Si ad me per tabellarium scribas sit haec inscriptio Societati
Regiae scientiarum Upsaliae et certo habebo absque
impensis.
<< prev. page << föreg. sida << >> nästa sida >> next page >>
