Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Si habeas Gramen avenaceum locustis gracilibus
purpurascentibus d’c. Hali. helv. 204 Aigilops bromoides Scheuch. gram.
267 istud accurate examines ad quodnani genus pertineat vel
utrum ex eo novum sit formandum.
Hisce diebus conscripsi Floras Svecicam, Anglicam, Parisinam,
Monspeliensem, Helveticam aliasque, et secundum nomina mea
trivialia in speciebus plantarum data disposui1; ex quo opere
plurima potui pulcherrima eruere, de quibus non dum cogitarunt
Botanici.
Edidi nuper Dissertationem de Cane et si vita viresque [!]
plurima quadrupedia eadem methodo edere constitui2.
Hallerus in sua methodo sic dicta naturali ob affinitatem (ut
vocat) plurima revocat genera a classe, cujus insignia gerunt ad
longe diversam; quod visu miserabile est.
Mirabilis vestra Tubo longissimo pulcherrima certe species est3.
Lemmam quadrifoliam Juss: et Pilulariam ad eandem
speciem refert Hallerus; sed in eo valde errat.
Columellea si Tua sit Ludvigia capsulis subrotundis Hort.
cliff. 491. quce Pluk. tab. 203 f. 2, miror quod fructum voces
Baccam, cum tamen sit capsula, quae apice ore rotundo dehiscit et
dimittit semina.
Glycine foliis ternatis, pedicellis bracteatis Gron. virg. 173.
quae Glycine bracteata Spec. piant. 754. n. 7. observavi quod
flores nullum producant fructum, sed ex apice pedunculorum
inferiorum, absque flore, producatur legumen, ut haec eo evidentius
in planta observarem, eam in fictili intra Cameram meam alo,
et de veritate convictus sum.
Doleo quod nequeam mihi persuadere Rhamni separationem
generum, de quo omnes vestrates eruditi conveniunt; perpendi
haec attente, nec tamen potui hoc extricare.
Accepisti sine dubio ultimas meas in quibus a Te supplex petii
numerum staminum Adansonice. in Speciebus meis pag. 1190
eundem publice ab Amicissimo D. B. Jussieu efflagitavi.
Halleri novum scriptum s. Hortum Gottingensem* e Flora
germanica coalitum non vidi; audio tamen eum pro more solito
in me esse malevolum, quod me non magis ferit quam latratus
canum, bene facere et laetari.
Quomodo procedit opus D. Bufonii? avide exspecto videre
praxin et descriptiones Animalium Musei regii, opto videre
methodum et Genera et Species.
<< prev. page << föreg. sida << >> nästa sida >> next page >>
