Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Cypero, de Betonica, et de Hesperide, sic sentio, Hesperidis fuldensem
patriam Boeraavius in indice altero denotavit, cujus semina Boeraavius
ipse nostro Iosepho Montio jam communicavit, quseque annua Planta in
hortis nostris exinde semper sata fuit. Cyperus bononiensibus paludibus
delectatur, Betonica a me pluries in sublimioribus Apenninis
bononiensibus, nec non proximis pistoriensibus inventa et in horto meo translata
perennis viget. Cyperi, et Betonicae specimen siccum quoque adjungo.
Habebis hic quoque Euphorbiae viminalis florescentiam delineatam,
et Microscopio auctam; ter floruit bsec Planta hoc anno in caldariis
meis; recte, ut indubie semper soles, dixisti, hujus Plantae flores inter
Cynancorum, et Asclepiadum genus militare, et optime adnotasti
membranulam corpuscula nectarii circumambientem, ex quo non esset
omnino redarguendus ille, qui novum genus institueret, namque nectarium
haud dubie in hac Planta a Periploca, a Cynanco, ab Apocyno, et ab
Asclepiade almis[!] plantis differt; sed proxime accedit nectarium hoc
nec-tario Apocynorum; ergo vel ad Apocyna haec africana planta est
ascribenda, vel novum genus est instituendum, cujus rei illico tuam, vir
sapientissime, enixe exspecto sententiam, ut hanc Plantam, nec non
Alismam, et Psoraleam in Academiae nostrae actis possim evulgare, non
enim id faciam, nisi te in arte magistro consentiente. Quod si me
admonebis, novum genus esse instituendum, et propter nectarii peculiarem
Structuram, atque etiam forte propter habitum Plantae, hanc quam
libenter nuncupabo Ghinam viminalem a Luca Ghino1 Botanices bononiensi
primo publico Professore, qui postea ab Etruriae Duce accersitus primus
item fuit Horti Pisani Professor, atque Caesalpini2, et Angvillarae8 Magister,
exinde denuo Bononiam reversus in Gymnasio nostro pristinam recepit
sedem, atque rem herbariam docens e vita excessit an: 1556:; tuam,
inquam, illico expecto sententiam, namque acta Academiae nostrae sub
praelo sunt.
Accipies hic quoque observationes nostras habitas de Cometa, quae
forte tuis celeberimis Astronomiae Professoribus non erunt injucundae,
ideoque observationes hasce iis tradere tamquam Academiae nostrae tenue
tributum, te rogo. Vale vir omnium praestantissime, et in aumentum,
atque ornamentum totius Naturalis Historiae diu vive; atque iterum vale.
Dabam Bononiae ex Museolo meo Prid: Kal:
lanuarii: An: 1769.
P: S: Sicca specimina Cyperi, et Betonicae lecta fuerunt in locis
suis natalibus, et in horto meo cultae hae Plantae notas, quibus istae a
reliquis congeneribus Plantis diferunt, minime admittunt. Betonica nempe
<< prev. page << föreg. sida << >> nästa sida >> next page >>
