Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Viro Excellentissimo Experientissimo
Domino
GAROLO LINNAEO
Botanices Professori in Vniversitate
Upsaliensi Celeberrimo
S. P. D.
Carolus Augustus ä Bergen.
Vix aliquot dies elapsi sunt, cum Vir Geleb. D. D. Gesner1 Archiater
Serenissimae Domus Wurtenbergicae Berolino litteras humanitate plenas
ad me dederit, Tuo nomine sciscitans an D. D. Gleditsch-, systematis Tui
contra Siegesbeckium strenuus defensor, hic forsan commoretur? simulque
rogans, ut ex horti nostri Academici supellectile plantarum indigenarum
semina colligerem, propediem ab Ipso Tibi mittenda. Ego vero veritus,
ne poslhaec calva sit, quam saepius exoptavi, scribendi occasio, hanc
ipsam ex manibus meis eripi non patiar, quin Tibi observantiam meam,
inserviendique studium, et quam valdopere commercii Tui sim avidus,
praesentibus hisce declararem. Nihil imposterum mihi antiquius, nihil
mihi prius erit, quam Te, Vir Celeberrime, quem totus orbis Botanicus
ceu incomparabilem heroem suspicit et veneratur, eorum quae nostra
tellus, quae et hortus noster profert, modo transmittendi occasionem
declares, quam paratissime participem reddere. Accipe ergo pauca quaedam
semina, plura, imo stolones et integras plantas opportuniori anni
tempestate expecta. Scriptis Tuis doctissimis, ex quibus Hortum Cliffortianum
ex liberalitate Illustris Editoris, Systema naturae, Classes, Genera,
Criticam et Fundamenta botanica possideo, supra modum delector, iisque
legendis horas a professione et praxi mea vacuas consumo, cum hoc
scientiae genere nihil inveniam, quod Tuis plus quam ferrea constantia
exhaustis laboribus comparandum sit. Methodum sexualem utcunque aeque
commodam, ne dicam commodiorem reliquis hactenus notis, nondum
doceo, partim quod parvus sit studiosorum numerus, parlim etiam quod
plerique horum lucro clinico quam ocyssime faciendo inhiantes per
compendium ament instrui. Praegnantiorem vero rationem non aliam novi
nisi tenuitatem Florae et horti nostri, generum Tuorum divitiis neutiquam
respondentis. Interea amicus noster D. D. Gleditsch ejus rei periculum
fecit, cui etiam in his fortunam fautricem voveo. Dissertationes meas,
aliorum quoque, nec non scripta medica ab aliquot annis hic edita, dum-
<< prev. page << föreg. sida << >> nästa sida >> next page >>
