Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Viro Celeberrimo C. Linnseo eq. aur.
S. D. P. Boddaert.
ad Tuas Vir Celeberrime amicissimas gratissimasque jam diu
respondissem litteras, sed varia varii generis negotia mihi partim impedimenta
fuerunt; partim huc usque (sed quod mihi dolet) frustra primas quas
edidit Sespius [o: Seppius] icones quaesivi, attamen eas tibi mittere posse
apertis aquis, mihi amicus quidam certum fecit; una cum supplemento elenchi
Belgici secundoque miscellaneorum zoologicorum fasciculo et Voeti
Scara-beis quatenus in lucem prodierunt; Si mihi viam indicare possis V. C.
qua citius, et tuto ea mittere possim, gratum mihi feceris. Ortegia
abhinc aliquot annis in horto nostro laete floruit, sed semina terrae denuo
commissa nihil produxerunt. Professor Botanices hic loci est Clarissimus
I. D. Hahn1 Vir in omni scientiarum genere egregius, qui summa cum
laude Chemiam, Physicam et Botanicen palam docet et ita quidem, ut
sui nominis gratia Angli, Galli, Germani nostram condecorent
Academiam; quod ad me adtinet omnia quae in Botanicis polleo, illi amico
suavissimo debeo, mihique mandavit, officia sua tibi offerre, si qua in
re tibi, munerique tuo prodesse possit, si quaedam plantae tibi deficiunt,
quas noster alit hortus, gratissime tibi mittentur, tribus et quidem
gravissimis fungens muneribus, ad historiam naturalem vacare ei tempus
negat ut qui et praxin Clinicam exercet.
Miror sane Vir Celeberrime maxime miror Dioneam tuam quae mihi
ad mimosas pertinere videtur, quantus est ille Deus, qui tot tantaque
miracula in creatis posuit, et quanta nobis latent, quae modo post
mortem ipse numen in aeternitate revelabit.
quem tibi misi depictum Cancrum non est Polyphemi varietas V. C.
sed pedes illi deerant, ut ex adjecta icone animalis a latere visi patet.
Maximo flagro desiderio, de tuo tertio Systematis Naturae tomo.
De fossilibus enim parum vel nihil scio, cui libro si nondum in via
est, si addere velles papilionem Apollinem, hic non obvium, et in
Suecia vulgarem, mihi maxime obligaveris. Curatores Gymnasii
Illustris Amstelodamensis Burmanni nostri merita condecoravisse munere
Professoris Botanices tibi jam notum erit. Quatuordecim fasciculi
Spicilegiorum D’. Pallas Berolini sub praelo sudant, vel jam in lucem
editi sunt. Sespii [o: Seppii?] opuscula non potui obtinere sed hisce
tibi Voetii coieoptera una cum additamento Elenchi Belgici, et miscellaneorum
<< prev. page << föreg. sida << >> nästa sida >> next page >>
