Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
D! 1 Admiräl6 in maximum scientiae nostro damnum fato suo
occubuit anno aetatis 75, museum in insectis splendidum publica hasta
distrahetur. Ex ultimis Di Pallas ad Burmannum Sandefortiumque litteris
lectu dignissimis vidi maxima cum voluptate eum in imperio asiatico
Ru-theno, multa nova in tribus invenisse regnis; atque diarium suum pro
annis 1768 et 1769 jam Petropoli in lucem prodiisse credo, ast milii
nondum misit Fulerus. forsan nondum hoc Hyems saeva permisit.
Hout-tuinii opus de historia naturali sive Commentarii in tuum Systema ad
finem pergit, quoad Zoologiam; Vellem eum tibi, Pallas, Bastero atque
mihi pepercisse, vel saltem si aliter sentit, id civilius explicuisse, ubi ego
a te Vir Celeb. in re naturali discedere ausus fui, id palam quidem et
candide dixi, sed tamen nihil umquam de tuis tam bene meritis laudibus
detrahere mihimet permisi; sed quae contra te scripta sint te nihil curare
et id jure, vidi. — Mineralogiam tuam sive tomum tertium Systematis
XIIL, Belgice verto, atque per plagulas in uitgezogte Verhandelingen,
insero, nihil enim ea de re in vernacula lingua habemus7; et nos nihil
melius habere posse confido, otia mea in augendo tuo Systemate tum
quoad definitiones generum, tum in adjaciendis novis generibus tero;
illud edere tamen mihi non est animus; praesertim cum te ipse tuum
infinite auxisse ex litteris ultimis percepi, si quod preces valerent, te id
editurum Vir Celeb. peterem, sed cum id post obitum tuum fieri
decrevisti, maneat tum longe in scrinia clausum. Instructissima nec ulli par,
brevi distrahetur bibliotheca de Historia Naturali, in qua nullum fere
librum ad illam scientiam spectans deesse dicitur. Burmannus noster
tibi Catalogum mittere rogavi; te Vir Celeb. suo nomine et pater
ejus salutatum esse volunt; Senex Eoellius8 tibi omnia fausta precatur,
et Veteris Amici Hartecampii atque Klakenhofii Dapium te memorem
manere precatur. Saepius de te inter Burmannos, Roellium, atque me sermo
est. Ago tibi gratias Vir Celeb. pro missis seminibus, Ellisice Seopolia
non surrexit, Fumaria nobilis flores non dedit, spero tamen eam hac
aestate florere, si tibi adhuc Scopolice, Messerschmidise, aut aliarum
Mantissae plantarum supersunt semina, eas mittere mihi gratum erit;
praesertim si Dioneae muscipulae, aliqua tibi supersint. — Nescio an jam Drurii
nova insectorum genera vidisti9; eas nondum ex Londino accepi, En tibi
Vir celeb. litteras, plane miscellaneas, nec forsan pecuniae transvectoriae
dignas, qualescunque sint accipias Vir celeb. atque me tua amicitia
condecorare pergas precor. Vale.
Ultrajecti ipsis idibus Martii 1771.
P. S. hasce solita viå mitto, libros caeteraque mittenda DI
Zier-vogel pharmacopaeo mittam.
<< prev. page << föreg. sida << >> nästa sida >> next page >>
