Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Redeo ad Litteras Tuas. Paterna Opuscula Botanica nuper
aliquo-modo a me illustrata Tibi non ingrata fuisse, calculoque Tuo probari
gaudeo et pro additis hinc inde notulis Tuis gratias ago. Iis, quae de
Azaleae Nomine mones nunc lubens subscribo.
Anii s. Indigo cum floribus et fructibus egregiam iconem vivis
coloribus pictam cum specimine sicco, ut et seminibus recentibus proximo
Tibi mittam vere. Flos cum flore Dalese Tuae nullatenus convenit.
Quae de Breynia scribis, non satis capio. Meam iconem, quam
accuratam esse puto, Jussieo debeo, quas convenit cum ipsa Plumieri. An
non itaque errant Parisienses potius, quod Breyniae Plumieri, aliam
diversam plantam, ut fructus indicat, substituant. Et qua re Breyniam quam
in Generibus Plantarum, recte, ut puto, inter Octandrias locas, in
Methodo sexuali Polyandriis inseris? Quanta sane metuenda con[fusio] ex
facili eiusmodi Mutatione, praesertim sine addita ratione.
Veram Theam in Horto Med. Amstelodamensi conspectam fuisse
non est quod dubites. Putasne hunc Botanicum, qui primus Theam
luculenter descripsit et depinxit Cassinam pro Thea potuisse habere?
Accedit, quod ante sexaginta annos, Gassina plane erat incognita. Nunc
credo facile Cassinam, qua; Thea Apolodictarum [?], in Hortis Belgii aliisque
in defectu verse These, pro eadem inperitis demonstrari.
Santalum, quod folia fert pinnata, est Santalum rubrum; album vero
et citrinum toto genere a rubro diversum, folia, ut vides, habet opposita.
Quae occasione Euphorbii de varietatibus mones, eatenus mihi
probantur, quatenus Studium Botan. facililant. Mihi limites specierum et
qua ratione a varietatibus differant necdum satis determinati videntur.
Sed de hac materia alio tempore forte plura.
Ad cetera alio tempore respondebo. Nunc accipe binas observationes
satis curiosas, Tibi, ut suspicor, ignotas, quae Historiam Botanicse
litterariam concernunt.
In Biblioth. Tua Botan. p. 2. Io. Antonii Bumaldi Bibliothecam
Bot. librum vocas rarissimum Tibi non visum. Ego Libellum hunc in
forma ut vocant 24. in supellectili mea libraria possideo. Scias vero,
velim, verum eius Auctorem esse Ovidium Montalbanum2, alias satis
clarum, qui sub nomine ficto anagrammatice latet. Cur fecerit hoc
Mont-albanus me fugit; nisi forte, quo liberius et cum excellentiori elogio de
se ipso et scriptis suis loqui possit, uti in ipso Tractatulo p. 102 et 103.
fecit. Huic Bibliothecas annectitur omnium Graminum ab Auctoribus
eousque observatorum, numerosissima Nomenclatura.
Altera Hortum concernit Farnesianum, cuius cum aliis auctorem
facis Tobiam Aldinum, cuius et nomen prae se fert; quamvis re vera
<< prev. page << föreg. sida << >> nästa sida >> next page >>
