Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Viro Generoso et Perillustri
Dno Carolo von Linné
Equiti
S. pl. d.
M. Th. Briinnichius.
Jam in eo est ut Regio mandato simulque Regiis sumtibus iter
aggrediar intra 3 proximas septimanas. Vi hujus mandati debeo excolere
studium oeconomicum et hist: nat: easque ipsas scientias publice docere ex
itinere reversus. Hollandiam et Angliam primum visitare mihi incumbit,
deinde bono cum Deo Sueciam petere est animus. Si in hisce meis
itineribus occurrat aliquod, in quo observando Tibi inserviam, mandato
obsequar.
Occasionem exspecto, qua data mittam Tibi aves sequentes:
Falconem lagopod: Ornith. bor. 15. Tringam ferrugineam et Tringam
maritimam Ornith. bor. 180 et 182.
Observationem feci circa Colymbum arcticum sc. quod junior (non
pullus) similis est parenti tam quoad abdominis album, quam quoad
dorsi colorem nigrum et maculas quadrangulares albas; differt autem
pullus in eo quod loco maculas istius, magnae atro-purpurese in colli
parte supina area adest ejusdem magnitudinis ex albo nigroque varia,
inde concludo Colymbum torquatum esse speciem distinctam.
En Vir Generose heic datam descriptionem Cardii Arabici, inter
spolia Forskåleana, quorum pars restat cum Dn0 Nieburg, antea nominati:
Cardium Societatis v. Forskaaleanum v. Scrobs v. Strumosum.
Testa subquadrilatera valvulis angulatis, longitudinaliter sulcatis
postice scabris; vulva conchseformi plicata, supra anum concavum inter
nates distantes propendente.
De Arabia missa 1763. Testa cordata alba, solidior, semipellucida
longitudinaliter sulcata excepta regione infra anum magna laevigata,
sulcorum vix distinctis rudimentis (an reformatio naturae?) Sulci laterum
anticorum et posticorum singuli punctorum excavatorum serie distincti,
et sulci laterum posticorum alia punctorum eminentium serie scabri.
Testa intus alba laevibus sulcorum rudimentis notata. Nates distantes
versus anum oblique curvatae acutae. Anus rotundatus valde impressus
scrobiculi instar, magnitudine nucis avellanae. Vulva antice minima,
<< prev. page << föreg. sida << >> nästa sida >> next page >>
