Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
pibus electoribus et multis aliis principibus et proceribus
per nostram celsitudinem celebrata, habita cum eisdem
principibus electoribus deliberatione et de ipsorum
consilio, pro bono et salute communi cum dictis principibus
electoribus tam ecclesiasticis quam secularibus duximus
ordinandum, quod iidem principes electores de cetero per
singulos annos semel, transactis a festo pasche
resurrectionis dominice quatuor septimanis continue numerandis,
in aliqua civitatum sacri imperii personaliter
congregentur, et ad idem tempus proxime affuturum seu anno
pre-senti colloquium seu curia et congregatio hujusmodi in
civitate nostra imperiali Me tensi per nos et eosdem
principes celebretur, ac tunc et deinceps die quolibet
congregationis hujusmodi locus per nos, quo sequenti anno
conveniant, ipsorum consilio statuatur, hac nostra
ordinatione ad nostrum et ipsorum dumtaxat beneplacitum
duratura. Qua durante ipsos sub nostro imperali conductu
recipimus ad dictam curiam accedendo, stando et eciam
recedendo. Preterea, ne tractatus communis salutis et
pacis per tractum et moram solacii seu excessivam
frequentationem convivii retardetur, ut aliquando fieri est
consuetum, concordi voluntate duximus ordinandum, ut
deinceps curia seu congregatione prefata durante generales
omnium principum celebrare alicui non liceat invitatas,
particulares vero, que agendorum expeditionem non
impediant, cum moderamine sint permisse.
XIII. De revocatione privilegiorum. — Preterea
statuimus et hoc imperiali perpetuo sanccimus edicto, quod
universa privilegia et litere quibuscunque personis,
cujus-cunque status, preminentie vel dignitatis existant, seu
civitatum, opidorum et quorumlibet locorum universitatibus
super quibuscunque juribus, gratiis, emunitatibus,
consuetudinibus seu rebus aliis eciam proprio motu seu alias a
nobis vel recolende memorie divis Romanorum
imperatoribus et regibus prodecessoribus nostris sub quibuscunque
verborum tenoribus concessa et concesse seu a nobis vel
successoribus nostris Romanorum imperatoribus et regi-
<< prev. page << föreg. sida << >> nästa sida >> next page >>
