Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
curiam, Romanus pontifex summam et potiorem obtinet
potestatem. Ad te tamen hujusmodi ecclesiarum,
dignitatum, personatuum et beneficiorum, canonicatuum [et
praebendarum], collatio non potest quomodolibet
pertinere nec pertinet, nec per tuam collationem in ipsis vel
eorum aliquo potest alicui jus adquiri sine auctoritate vel
consensu apostolicae sedis, tacitis vel expressis, quos qui
acceperit et se denegat accepisse, eis per ingratitudinem
est privandus, et etiam ille, qui permissa vel concessa
abutitur potestate, et qui contrarium tibi suadet, est
contrarius veritati. Nihilominus tu, metas et terminos tibi
positos irreverenter excedens, ac factus impatiens super
hoc, obvias ipsi sedi, ejusque collationes canonice factas
exsecutioni mandari non sustines, sed impugnas,
quatenus tuas, qualitercunque factas, praecedere dignoscuntur.
Et cum in judicio esse debeat distinctio personarum, tu
tamen in propriis causis jus tibi dicere et non in
communi, sed in proprio judicio partes actoris et judicis
sortiris, et, si quemquam injuriari tibi reputas, contemnis
de ipso conqueri coram competenti judice seu etiam coram
nobis, quantumcunque injurians sit persona ecclesiastica
vel mundana de regno tuo vel extra, et de illatis per te
vel tuos injuriis atque damnis, ac de tuis et tuorum
excessibus, recusas per aliquem judicari, et ad saisienda et
occupanda ecclesiastica bona et jura pro libito voluntatis
occupatrices manus extendis in casibus tibi non concessis
% ab homine vel a jure.
Praelatos insuper et alias personas ecclesiasticas tam
religiosas quam saeculares regni tui etiam super
personalibus actionibus, juribus et immobilibus bonis, quae a te
non tenentur in feudum, ad tuum judicium pertrahis et
coarctas, et inquestas fieri facis, et decimas tales, licet
in clericos et personas ecclesiasticas nulla sit laicis
attributa potestas. Praeterea, contra injuriatores et
molesta-tores praelatorum et personarum ecclesiasticarum eos uti
spirituali gladio, qui eis competit, libere non permittis,
nec jurisdictionem eis competentem in monasteriis seu
<< prev. page << föreg. sida << >> nästa sida >> next page >>
