Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
tenementum sit pertinens ad eleemosynam sive ad feudum
laicum, coram ipsa justitia regis. Et si recognitum fuerit
ad eleemosynam pertinere, placitum erit in curia
ecclesiastica ; si vero ad laicum feudum, nisi ambo de eodem
episcopo vel barone advocaverint, in curia regis erit placitum.
Sed si uterque advocaverit de feudo illo eundem
episcopum vel baronem, erit placitum in curia ipsius; ita
quód propter factam recognitionem saisinam non amittat,
qui prior saisitus fuerat, donec per placitum
dirationa-tum fuerit. [Hoc damnavit.]
10. Qui de civitate vel castello vel burgo vel
dominico manerio domini regis fuerit, si ab archidiacono
vel episcopo super aliquo delicto citatus fuerit, unde
debeat eisdem respondere, et ad citationes eorum
satisfacere noluerit, bene licet eum sub interdicto ponere; sed
non debet excommunicari, priusquam capitalis minister
domini regis villae illius conveniatur, ut justitiet eum ad
satisfactionem venire. Et si minister regis inde
defecerit, ipse erit in misericordia domini regis. Et exinde
poterit episcopus ipsum accusatum ecclesiastica justitia
coercere. [Hoc damnavit.]
11. Archiepiscopi, episcopi et universae personae
regni, qui de rege tenent in capite et habent possessiones
suas de domino rege sicut baroniam et inde respondent
justitiis et ministris regis et sequuntur et faciunt omnes
rectitudines regias et consuetudines, sicut barones
ceteri debent interesse judiciis curiae domini regis cum
baronibus, usque perveniatur in judicio ad diminutionem
membrorum vel ad mortem. [Hoc toleravit.]
12. Cum vacaverit archiepiscopatus vel
episcopatus vel abbatia vel prioratus de dominio regis, debet
esse in manu ipsius, et inde percipiet omnes reditus et
exitus sicut dominicos. Et cum ventum fuerit ad
consulendum ecclesiae, debet dominus rex mandare potiores
personas ecclesiae, et in capella ipsius domini regis
debet fieri electio assensu domini regis et consilio
personarum regni, quas ad hoc faciendum vocaverit. Et ibidem
<< prev. page << föreg. sida << >> nästa sida >> next page >>
