Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Hic fulmina iam ab Italis restitutum est, serena pro eo
quod traditum est severa Lambinus proposuit recte, ut
plerisque visum, quamquam Munro hoc poetico sermoni magis
convenire ait. Idem Lambinus v. 1187 noctem soli iussit
loco cedere, v. 1190 solem rori. Quam duplicem mutationem
Lachmannus ne verbo quidem commemoravit, codicum autem
scripturam ut infirmaret, hoc monuisse satis duxit, Lucretium,
si ΐπανάληψιν voluisset, Nox et luna, dies nempe eodem quo ante
vocabulorum ordine scribere debuisse; itaque v. 1187 lux et
luna edidit, quod Bernaysius accepit. Munro vero, cum noctis
vocabulo iterato minime se offendi professus esset, ut illam
Lachmannianam έπαναΐήψεως rationem refutaret, exemplis usus
est B 837: Τϊον av& ’Υρταχίδης ήρχ "Ασιος, ορχαμος άνδρών, *Ασιος
’ Υρταχίδης, ον non enotatis eis quae secuntur ’Αρίσβη&εν φίρον
ϊπηοι Αΐ&ωνες μεγάλοι ηοταμον από Σελλήεντος, tilfil 870: Των μέν
αρ ’Λμφίμαχος xal Νάστης ηγησάσ&ην, Νάστης ’Αμφίμαχός τε, Νομίονος
αγλαά τέχνα, quibus locis bina nomina inverso ordine iterata
sunt. Scilicet illud non animadverterat, quod Lachmannum
quoque videtur fugisse, έηαναλήψει ita locum esse, siquid
vocabulo sive pluribus iterum positis aut coniunctum aut simile vel
consequens supplementi nomine adderetur. Nimirum eadem
repetere sine causa non ornare est orationem, sed potius
onerare. Atque coniunctum sive quod epitheti loco est plerumque
nominibus additur, simile sive, ut plenius dicam, periphrasis
et explicatio vel consequens ad verba quoque accedit. Per illud
quid intellegi velim, hoc Lucretianum illustrabit — V 946:
scibant umori’ fluenta Lubrica proluvie larga lavere umida saxa,
Umida saxa, super viridi stillantia musco. Explicationis
exempla haec sunto — III 12: Omnia nos itidem depascimur
aurea dicta, Aurea, perpetua semper dignissima vita, II 955:
vincere saepe, Vincere et ingentis plagae sedare tumultus, V
298, ubi de lychnis et taedis agitur: tremere ignibus instant,
Instant, nec loca lux inter quasi rupta relinquit, quem locum
legenti in mentem venit Cic. Prognost. de divin. I 8 14: Et
matutinis acredula vocibus instat, Vocibus instat et adsiduas
iacit ore querellas. Consequens iam in eis, quae modo adtuli,
forsitan quispiam deprehenderit — neque enim id facile ab
explicatione usquequaque discernas —; sed non dubium
<< prev. page << föreg. sida << >> nästa sida >> next page >>
