Full resolution (TIFF) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Regiones temporales convexae, medio mammilla praeditae. — Margo
scuti aculeis minutissimis confertis armatus. — Zona intra
marginem ambitui parallela, e serie triplici fovearum 1.
alveolorum, versus angulum nonnihil irregulari et aucta, scii,
quadruplici, quintuplici, et prope marginem posticum sextuplici,
addita foveola vaga, remotiuscula. Alveolus intactus nobis non
visus (1, b\ E fundo enim foramine pertuso, in serie exteriore
duplici, in interioribus unico, exstat corpus crateriforme, illic
geminum 1. rarissime solitarium, hic semper unicum, basi etiam
pertusum, ideo infundibuliforme, margine superiore semper
fractum, eo ut nesciam an in spinam 1. aliam formam productum
fuerit, an residuum sit strati superioris testae, ceterum omnino
deperditi. Alveolis vero in inferiore scuti facie respondent
eminentiae ovatae (1, c) mammillatae, mammillis minute perforatis.—
Genae 1. scuta lateralia structura omnino insolita insignia. A
superna enim facie ad maximam partem obteguntur scuto
centrali, nec nisi spatium marginale exhibent angustum, eidem
parallelum. In facie vero inferiore (1, d) laminam praestant
ho-rizontalem, fornica^m, caput ambientem, continuam, nec antice
interruptam, in arcus tres concentricos divisam, externum,
medium, internum. Ille planus, foveolarum serie ornatus, ad
basin utrinque duplici; medius convexus, longitudinaliter striatus;
internus angustus, concavus, canaliculatus, fovearum serie
ornatus, ad basin utrinque in laminam triangularem productus,
striis gyrosam, foveolis cribrosam, intus limbo marginatam plano,
impressionibus quatuor-sex undato, primum lato, deinde sensim
attenuato, gracili, lineari. Hic ad angulum desinens; arcus vero
externus et medius utrinque in spinam simul producti, capite
sesquitertia vice longiorem, validam, basi subquadrangulam,
levissime arcuatam, sed distincti sulco, versus apicem fortasse
bifidam sensim profundiore. — Oculi nulli, neque eorum
vestigia adsunt nec loci, quum sutura omnino continua sine
hiatu orbitali. — Truncus brevis, ellipseos antice reseqtae
formam referens. — Thorax brevis, capitis duas tertias longitudine
aequans, articulis compositus sex (1, e), fere planis, quorum
quartus reliquis latior, primo ultimum vix cedente. Terga
latiu-scula, ab articulo primo versus pygidium sensim contracta,
modice convexa, pone syndesmum brevem arcuatum utrinque
impressa. Pleurae latae, breves, levissime curvatae, deorsum vix
arcuatae, depressione diagonali, extrorsum sensim latiore, parum
profunda excavati, in articulo primo apice oblique resectae, in
sequentibus sensim magis magisque transverse, demum truncatae,
margine apicali crasso, fere exfoliato. E facie ventrali spectati
(1, f) articuli praebent utrinque corpus articulare longitudinale,
antice fossa praeditum, postice condylo, intus processu transverso
apice rotundato, foveolato (an pedis fulcro?), sub arcu fergali in x
cristam transversam continuato. Pleurae facies inferior testa
continua tecta, laevis, nec striis sculpta, nec e parte
membranacea, perdita. — Pygidium semilunatum, fere planum, limbo
<< prev. page << föreg. sida << >> nästa sida >> next page >>
