Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Tornenses quoque jam ostensum est, licet cum majoribus eodem
nominc appellent. Excepto uno aliquo, quem vocabant Wiru
Accha, quod anum Livonicam significat. Est hic opinione mea ille
ipse, de quo Olaus Petri Niurenius c. 19. Kimensium Deus viresaka
dictus, in summitate amputatæ arboris faciem hominis ostentabat. Sed
pro Kiemensium, Tornensium, & pro Viresaka, Wirku, vel Wiru Accha
fuerat scribendum. Jo. Tornæus, sicut verba ejus Latine sese habent.
In medio marchiæ Tornensis olim celebris fuit Seita, Wirku
Accha dictus, quod anum Livonicam significat. Hunc omnes circumjecti
Lappones coluere, sacrificiaque obtulerunt ipsi longo tempore, donec
Birklari Tornenses, quibus tum concessum erat exercere commercia cum
Lapponibus, eum subverterent. Quanquam vero evertissent idolum,
longeque à priori sede sua abjecissent, nihilominus exiguo post tempore
inventum est repositum in eam, nunc vero carie penitus est consumptum.
Habuit autem nullam speciem humanam, sed simplex fuit truncus, ut
cætera esse solent. Et hic unicus, quem peculiari nomine colebant
Tornenses, plane nunc destructus & oblivioni pæne traditus.
Cæterorum sunt communia vocabula cum diis majoribus. Quanquam
autem qui minores illi sint, quove fine coluerint olim, vel nunc
etiam subinde colant, tradere Tornæus omiserit, ex eo tamen fieri
conjectura potest, quod de diis istis apud cæteros Lapponas
invenimus annotatum. Colunt enim ipsi sub quocunque nomine
deinde, primum illos ipsos, quos paulo ante Manes appellavimus.
Hos enim pro deorum quodam genere habere, liquet inde, quia
sibi metuunt à mortuis, teste dicto Samuele Rheen, tanquam id, quod
superesse suspicantur ex defunctis, conditionis sit ejusmodi, ut
nocere ipsis possit. Pæne ad eundem modum, ut Romani censuere
de Manibus, de quo Servius ad III. Æn. Manes sunt illo tempore
animæ, quo de aliis recedentes corporibus, nec dum in alia transiere. Sunt
autem noxia. Verba Samuelis Rheen ea de re sunt ejusmodi. Att
nogot ær quar effter doeden, troo thee, hvvarfoere the och sky myket
fœr the doeda. Hoc est: Manere superstes aliquid post mortem,
credunt, ac iccirco valde sibi metuunt à mortuis. Idem traditum est
à Peucero de Divin. p. m. 203. Præcipue terrentur & exagitantur à
<< prev. page << föreg. sida << >> nästa sida >> next page >>
