Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Stundom repetera dhe samma saong offtare. Icke heller hafvva the
naogon vviß thon, uthan siunga eller joiga denne vviisa (hvvilcken
dhe talla Morsæ freurogh, eller brudevviisa) effter dheras vvahna,
och som dhem bæst tycker liuda. Hoc est: Cantiones hasce (quales
præmisimus) hoc similive modo ordiuntur, cantantes nunc amplius,
nunc minus, prout quisque se eas putet posse optime reddere vel componere,
quandoque eandem cantionem sæpius repetunt. Sed nec modum sive
sonum habent certum, sed cantillant eam (quam vocant Morsæ faurog,
sive cantionem nuptialem) sua quadam consuetudine, ac prout ipsis
suavissime sonare videtur. Quotiescunq; vero veniunt, ut amicam suam
visitent, afferre simul secum vini spiritum; ut singulare gratissimumque
donum, coguntur, item, tabaceum. Quod si interea contigerit ex
quacunque causa, ut parentes eis negent puellam, tum itur ad
judicem, & refundere hos ipsis debent sumptus, excepto eo, quem
fecerunt in spiritum vini oblatum, primo colloquii tempore, ipsisq;
Pouristvviin, vocatur, sicut Samuel Rheen confirmat. Nisi forte
parentes simpliciter negaverint proco filiam suam, & is nihilominus
perstiterit in proposito negocio, sæpiusque reversus fecerit sumptus.
Vulgo enim non negare solent, sed differre tantum responsum in
annum proximum. Johannes Tornæus. Sæpe accidit, ut pater
procopraæsenti dare filiam suam nunquam cogitet. Quo tamen sæpius se
inebriare possit spiritu vini ab ipso allato, differt responsum de anno uno in
alterum, donec procus sentiat, se esse deceptum, cogaturque exigere
frustra factas impensas. Neque aliud tum superest remedium, quam ut res
deducatur ad judicem, ubi pater puellæ damnatur ad refundendum
integrum dimidiumve summaæ, prout caussa se habuerit. Vbi tamen hoc
notandum, quod sumptus, facti à proco in spiritum vini, cum veniret
prima vice, in compensationem non veniant, eosque ipse solus solvere
teneatur. Quod si vero post negatam puellam ipse ultro volet se præstare
liberalem, ipse suo periculo rem tentare poterit. Sin vero cuncta
succedunt ex voto, tum certus nuptiis destinatur dies. Pridie illius diei
omnes necessarii & propinqui cum sponsi, tum sponsæ conveniunt
ad tugurium, quod parentes sponsæ incolunt, sponsusque omnibus
offert munera nuptialia, de quibus est conventum, quarumque in
<< prev. page << föreg. sida << >> nästa sida >> next page >>
