Full resolution (JPEG) - On this page / på denna sida - Innleiding
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
gjesta Tiberbyen og prøvt å vekkja interessa hjå
dette krigarfolket for høg og djup tenkjing.
Teatret og teaterdiktingi fengde snart i hugane.
Onnorleis var det med filosofien. Romarlyndet var
for praktisk og romarhugen for jordbunden til
at det finbygde tankeverket åt ein Platon og
ein Aristoteles kunde gjera lukke i den
romerske åhøyrarflokken. Ja, sume statsmenn såg
jamvel ein fåre for den gamle gode borgaråndi i for
mykje sysling med hellensk åndsheim og prøvde
å halda dei greske misjonærane burte. Men der
melde seg smått i senn ein indre trong hjå
romarane, serleg i dei høgare folkelag, etter noko som
kunde fylla hug og ånd no då religionen hadde
tapt si makt yver dei. Og vederlaget for dei gamle
gudane vart dei greske tenkjarane og tankebyggi
deira.
Det er sermerkt for den praktiske hugen åt
folket at dei serleg gav ans på dei praktiske
læregreinene innan filosofien. Metafysikken greidde dei
ikkje å melta; eitt og anna kunde dei plukka ut
her òg, men i det store og heile låg læra um
udøyelegdom og guddom for høgt for tanken åt
romarane. Då var politikken og etikken, læra um
samfunds- og sedeliv, noko anna for ein nasjon som
hadde sett seg til uppgåve å skapa eit sterkt og
helsugt heimsvelde.
Når romaren vilde verta innførd i filosofien,
kunde han gå til dei greske filosofane i Rom, eller
han reiste til sjølve årestaden for vitskapen som
for kunsti på den tid, til Aten. Han var helst
burti fleire filosofiske system samstundes og plukka
<< prev. page << föreg. sida << >> nästa sida >> next page >>
