Full resolution (TIFF) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
qui ad exhortacionem Delbore prophetisse collegit
exercitum in montem Thabor et fugatis inimicis liberauit
populum Israel. Nam cum primo iste factus fuisset episcopus
et reuelaciones beate Birgitte ad eum peruenissent, factus
ex earum auditu deuocior et feruencior multa grauia vicia,
que tunc per totum regnum Swecie quasi quoddam diluuium
inundabant, ipse primo in sua diocesi totis viribus
extirpauit et omnes coepiscopos snos ad hoc ipsum in
suis terminis faciendum pijs ammonicionibus fraternaliter
inducebat. Sed cum alii tepide procederent, ipse
diligentissime exequebatur opus dei, quippe qui amplius de
domino sciebat. Quasi alter Mathathias forciori zelo iusticie
accensus erat, vnde merito de ipso dicere possumus, quod
tempore suo inter prelatos omnes Swecie non est inuentus
similis illi, qui conseruaret legem excelsi. Et licet de
singulis sanctis solempnizare non possumus, tamen iustum est,
vt quelibet regio aut eciam ciuitas vel parochia suum
patronum speciali honore veneretur, sicut precepit dominus
in lege Moysi: »honora patrem tuum et matrem tuam.»
Uerbi gracia: »Tu honoras tuum patrem, ego uero meum.»
Francia colit Dyonisium, Anglia Thomam, Swecia uero
Sigfridum, et nos in diocesi nostra lincopensi patrem
nostrum Nicholaum venerari et pro eius canonizacione
laborare debemus quem in celis triumphantem vna cum beata
Birgitta nouum canticum decantantem credimus, vt merito
ipse et ipsa congratulando diuine dignacioni cum graciarum
accione dicant: »Surge Delbora et decanta canticum,
surge Barach et apprehende captiuos. Dominus in fortibus
dimicauit.» Ipse enim viciorum extirpator et virtutum
plantator erat feruentissimus, sicut inferius dicetur, cum ad
descripcionem virtutum suarum veniemus, que statim hijs
subinfertur.
Explicit prologus. Incipit vita eiusdem Nicholai
episcopi.
Beate igitur et venerande memorie Nicholaus
<< prev. page << föreg. sida << >> nästa sida >> next page >>
