Full resolution (TIFF) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
quondam episcopus lincopensis ex honestis et iustis parentibus
Skeningensis ciuitatis in regno Swecie patre videlicet
Hermanno, matre uero Margareta secundum carnem originem
duxit. Hic adeo annos pueriles innocenter domi transegit,
ut tam parentes quam vicini et cognati eius de hoc
plurimum mirarentur. Scolis autem gramaticalibus appositus
tam vigilanter inhesit, ut multociens prandium et cenam
negligeret amore proficiendi, ymmo ut eciam matre sua ex
hoc indignante horum carencia puniretur, cepitque bone
indolis esse et mundi lasciuiam et carnis oblectamenta
declinare ieiunijsque et abstinencijs diuersis, vt expedicior fieret
in cursu viarum domini, se continuo exercere. Cum
autem pedagogus filiorum beate Birgitte factus esset
eandemque in gramaticalibus, vt ipsemet in quadam notula
fatetur, instrueret, tam honeste, deuote et mature se in curia
eiusdem dicta Vlfaas gessit, vt plurimum ab ea intimi
amoris diuini complecteretur affectu. Que cum, ut fidelissima
relacione accepimus, ab eodem scolare rogata dominum
pro eo attencius deprecaretur, accepit a beata virgine
responsum, quod futurus esset lincopensis episcopus, qui et
nouam regulam suam et ordin em primum intro ducer et et
in monasterio suo institueret watzstenensi, quemadmodum
rei postmodum per omnia probauit euentus, vnde et
prefata domina Birgitta ipsum extunc episcopum suum
familiariter vocare consueuit, quod tamen ille pro nichilo
reputauit. Missus vero Parisius cum artibus, quas liberales
uocant, aliquanto tempore immoratus est et sue mentis
delectacio, que semper in deum tendebat, minime in eisdem
diu valuit retineri, Aurelianos se transtulit, ubi sacre
theologie, juri canonico et ciuili non segniter insudando ad
gradum in vtroque iure promotus profecit iuuenis miro
modo, cuius tamen gradus suscepcionem vix aliquis pro
certo in vita sua ab eo percipere poterat, antequam post
mortem suam inde [litere] in archiuo suorum secretorum
vna cum pecia de cilicio et bulla confirmacionis episcopij
<< prev. page << föreg. sida << >> nästa sida >> next page >>
