<table o> <td><table b> <td c><tab>Keypið hjá teimum, ið<tab><br>lýsa hjá okkum </table><td c>ARBEIÐIÐ<br>Leygardagin 14. juli 1934 </table> <table> <td>

Adolf Hitler.

<td c>

Týskland á tromini til upprei....

<br>——<br>

Hitlerstýrið i miklum vanda

<br>——<br>Mordarnir mýrða hvønn annan — Hitler og Goering drepa sínar felagsbrotsmenn Hindenburgh keypur von Papens lív við at takka Hitler<br>——<br>Fritz Heckeri fekk rætt í sínum spádómi um at Hitlerstýrið vil koma at detta um síni egnu lík </table> Seinast í juni mánað og inn í teir fyrstu dagarnar av juli, hevur Týskland verið úti fyri einari uppreisn av Hitlers egnu monnum, ið næstan hevði kappstoytt tað fascistastýrið, ið nú nærum hálvtannað ár hevur drivið sítt harðræði og morðræði í hinum fyrr so mentaða Týsklandi. — „Der Fuhrer“, harra Hitler, frætti at SA-tropparnir í München høvdu í ætl at koyra allar teir ráðandi frá og taka ræðið í Týsklandi — sviknir sum teir vóru av øllum teim skrólandi lyftunum, ið trýmenningarnir Hitler, Goering og Goebbels høvdu givið. Men onkur man hava smettað, tí Hitler tók sjógv á bakið, slapp sær til München við einum loftskipi og byrjaði við tað sama at jakstra, hondtaka og fyrireika kalt mannadráp á sínar egnu menn. — Goering og Hitler leiddu atsóknina, og mangir av teirra kunningum og vinum, mátti lívið lúka. — v. Schleicher, ið var ein av høvuðsmonnunum til at hjálpa nazi-monnum til ræði, varð dripin heima hjá sær sjálvum — og hansara unga kona, ið vildi verja hann, fall fýri teirri somu mordarkúluni. SA-leiðarin Røhm varð hondtikin, samaleiðis Fehme-mordarin Heines (ein av Liebknecht-mordarunum). Nøgdin av teim leiðandi SA-monnunum vóru fongslaðir. Eisini von Papen, ið hjálpti Hitler til stýrið, var fongslaður, tí eisini hann ætlaðist at hoyra til „opposisjónina.“ Hitler og Goering gjørdu stutta „prosess“ við sínar felagsbrotsmenn: teir vóru niðurskotnir uttan nakran dóm! — At talið av teim myrdu kemur til hundrað og kanska meir, er einki at ivast í. Móðir til ein av SS-monnunum — tað vóru hesir, ið høvdu í „uppgávu“ at besyrgja morðini — sigur at sonur sín kom heim seint eina náttina, heilt sansaleysur og tveitti seg niður og segði, at hann „hevði verið við til at skotið 15 sakleysar menn niður í nátt.“ — Ja, sjálvt SS-menninir vamlast og gerast sansaleysir! — Morðið á von Schleicher hevur vakt miklan harm innanfyri ríkisvarnaðarliðið (Reichswehr), og hansara menn og vinir rópa: „Hevnd yvir mordarnar!“ Eisini innanfyri SA er mannahugsanin hóttandi, sum hetta gøtu-uppslag í Berlin sigur frá: „SA-menninir skulu hevna teir felagar, ið Hitler hevur latið dripið. Troystið tykkum skurkar, tá ið hevndartímin slær!“ Úr tí „offisiella“ Týsklandi frættist, at har nú er friður og eingin fári. President Hindenburg hevur takkað Hitler fyri, at hann hevur bjargað Týsklandi frá undirgangi. — Men hann hevði neyvan takkað brotsmonnunum, sum hann hevur gjørt, um ikki tveir av hansara næstú frændum og von Papen vóru á listanum yvir teir, ið Hitler og Goering skuldi rudda burtur. Fyri at bjarga hesum trimum hevur hann skrivað undir tøkkina sum Hitler sjálvur hevur skrivað. Men avgjørt er, um vandin hesi ferð sær út til at vera horvin, so er hann bert horvin fyri at venda aftur, og tá: Troystið tykkum bøðlar, tá ið hevndarstundin slær! Fyrrverandi týski ríkisdagamaður Fritz Heckert segði í sínari frágreiðu um standin í Týsklandi, 1. apríl 1933: „Fascisman í Týsklandi kann ikki setast javnt við fascismuna í Italiu, tí meðan fascisman í Italiu kom upp meðan peningaviðurskiftini vóru batnandi og Itala sum sigurharri kom heim aftur úr krígnum og ongan politiskan bevísstan arbeiðaraflokk hevði, so kemur hin týska fascisman fram í niðurgangandi peningatíð í einum landi, ið var sligið í krígnum og gekk undir harðar treytir — og Týskland eigur ein bevístan, gott organiseraðan, politiskan arbeiðaraflokk við yvir 5 mill. limum.“ Har aftrat sigur Fritz Hechert, at tað bert er ein spurningur um tíð, hvussu leingi tað hitlerska óstýrið vil vera ment at halda teymarnar, tí leingi kann tað ikki vara til fólkið vaknar og kennir seg svikið. Og uppreisturin vil byrja í Hitlers egna liði. „Hitlerstýrið vil fyrr ella seinni detta um síni egnu lík.“ Fritz Heckert fekk rætt, ella rættari hann fær rætt. Tað, ið nú hendir í Týsklandi, sigur Fritz — — — Stjórnað av eini nevnd. — Ábyrgdarmaður: Ingv. Jacobsen. — Prentsmiðja Tingakross.