Full resolution (TIFF)
- On this page / på denna sida
- Bandamanna saga
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Bandamanna saga.
Ófeigr hét maðr, er bjó vestr í Miðfirði, á þeim
bæ, er at Reykjum heitir. Hann var Skíðason,
enn móðir hans hét Gunnlaug, dóttir Ófeigs
norðan ór Skörðum. Hann var kvángaðr maðr, ok
hét Þorgerðr kona hans ok var Váladóttir,
ættstór kona og hinn mesti kvenskörungr. Ófeigr
var spekingr mikill og mesti ráðagerðamaðr. Hann
var í öllu mikilmenni, enn ekki var honum
fjárhagrinn hægr. Hann átti lendur miklar enn
minna lausafé. Hann sparði við engan mann
mat, enn þó var mjök á föngum þat er til
búsins þurfti at hafa. Hann var þingmaðr Styrmis
frá Ásgeirsá Þorgeirssonar, er þá þótti mestr
höfðingi vestr þar. Ófeigr átti son við konu
sinni, er Oddr hét. Hann var vænn sýnum ok
vel mannaðr; ekki hafði hann ást mikla af
föður sínum; engi var hann verksmíðarmaðr. Váli
hét maðr, er þar óx upp heima hjá Ófeigi. Hann
var vænn maðr ok vinsæll. — Oddr óx upp heima
<< prev. page << föreg. sida << >> nästa sida >> next page >>
Project Runeberg, Sat Dec 9 03:13:35 2023
(aronsson)
(diff)
(history)
(download)
<< Previous
Next >>
https://runeberg.org/asmbmsaga/0007.html
