Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
17
vrunde wetet dat vns God hebbe dank dat schip
ge-komen is mit dem gude . dat gy vns gesand hebben .
vnde wes de van Lubek dar von genomen hebben dat
hebbe ik in gelaten vmme dat alse id hir gelt . vnde
off de stede dar vmme reden weiden . dat de theringe
ouer en mochte gån wente wy vor teren mer gudez
wen de de von Lubek dun vnde dat andere von dem
gude alzo ik meyne dat wy ouerich hebben tüschen
dijt vnde paschen dat vorkope ik hir vmme tu dem
irsten van dem jare so mote gy vns weder vp dat
ni-ghe senden . Dut wol vnde sendet vns denne so vele
moltes vnde meles also wy bedoruen vnde sendet jo
so vele ouerges dat ik teregelt van köpen möge, wente
de nobelen hir nicht mer gelden wellen den xxiiij ore .
Molt vnde körne gilt sin gelt hir wol wente id up slet
to tage to tage . Vortmer wetet dat de von Lubek her
Jordene hebbet gescreuen dat he den houetman van
dem Sunde Magnus van Alen sulle halden vor enen
houetman vnde juwe sendeboden hebben dat to rugge
getogen . vnde ik ok noch Magnus ny wolde to Steden
vnde ik bidde juw durch mynes dinstes willen . dat gy
wol dun vnde senden hir vt juwen råde noch eynen
houetman wente erer twe hir syn de mach ok alle
ding mede helpen bewaren . Dut wol vnde schriuet vt
ysliker stat yderman den synen wenne de twe
houet-lude orloff geuen dat de nioge to hus thien, anders
magh iks nicht wol halden na juwen breue vnde loue
gy vns dez eynen so louet vns ok den anderen . vnde
her Jordan vnde her Magnus holdent hir alzo wer en
nicht en ene kumpt den läten se tho hus then vnde
de vnsen meynen wol alzo ik hebbe dez jene macht
Bidr. t. S kan din. Hist. II. 2
<< prev. page << föreg. sida << >> nästa sida >> next page >>
