Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
•18
dat ik en orloff geue off ze ok wol gebreken, vnde ik
juw nicht schriuen wil alzo uterliken alzo id mir hir
weder veret vnde welde God dat ik myt juwen willen
hir van kornen kunde so nogede my wol Wetet ok
dat Arnt Stüke hir waz vnde de andern
Vitalgen-broder de dat kostele gut genomen hebben de woren
mit vns to gespreke alzo dat Arnt Stuke sich wolde
entseggen wor he id to rechte don solde dat he den
vrede nicht gebroken hedde vnde begerde geleydes .
alzo dat wy en leideden sulff twelfte de meynde he
wolde geleidet sin mit synen hupen de den vrede
nicht gebroken hedden vnde dar wolde wy nicht an
Also is he wech gesegelt vnde de anderen de den
vrede gebroken hebben de weren ok mit vns to
worden vnde begernden geleides vnde sproken ze weren
in myns heren krige vnde wy weren wol van en
be-gernde dat ze dat gut hedden up gesettet up eyn
recht vnde wor se des rechtes by bliuen wolden . dez
hedde wy en wol gegunt entwer by dem koninge
ed-der by den Steden edder by vns, wolden ze id so up
setten so welde wy en eyn antwerde seggen von dem
geleide vnde dar wolden se nicht to vnde sint wech
gesegelt entwer to Gotlande edder to Rostock edder
to der Wismar, vnde wetet dat de Sweden entphan
väste der Vitalgenbroder to deneren vnde sterken sik
zere mit volke vnde legen alle wege to hope vnd wy
weten nicht wat ze meynen . Wetet dat wy dat slot
gedeilet hebben alzo dat wy in de vorborch sint
getogen vnde hebben eynen keller beholden up den
obersten slote vnde den torm hebbe wy en belenet . Den
hebben ze gelouet to bewaren by truwen vnde by eren
alzo wol to der van Prusen behuff alzo tho erer be-
<< prev. page << föreg. sida << >> nästa sida >> next page >>
