Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
239
guter hir tom Holme vorkoft, efte gesloten sint, Doch
so wil ik gerne mit allen vlite vmme juwer geleue
willen dar na truwliken arbeiden vnde hören vnde my
dar vord ane bewisen dat vterste vnde hogeste ik kan
vnde gi my to betruwen Doch de suluen de de
Scheper vnde guter nemen dat was ein los hop vnde
had-den sik van allen landen to samende geworpen vnde
do se wedder na deme Orsunde seilen solden do ward
de meiste hop gevangen vnd slagen van den vt den
Steden dat mach ik iw vor de warheit scriuen Doch
leuen vrunde wes ik vmme juwer geleue willen dön
mach dar sole gi my alle wege gudes willich an
vinden na mynen besten vormogen ök leuen frundes so
sende wy dar nw myns heren borgers vnde ik ichte
wat ozemundes to juwer stat, vorvmme bidde wy eft
icht were dat se wedder begerende weren van dar to
furende dat juwe geleue des gunnende sy, welke myn
begere is to juwer gheleue . Anders nicht men Gode
dem almechtigen side ewich beuolen to my to beden
wes ik vormach also to juwen getruwen, Gegeuen vp
Stocholm anno domini M°cdxxix Am sondage na sunte
Mertinii
Johannes Kröpelin
houetman vp Stokholme
Utanskrift:
Den Ersamen Borgermeisteren vnde Rathmannen
der stath Dantzik mynen leuen frunden vnde gunneren
mid aller werdickeit
Originalet i Danzigs Rådhus-Arkiv.
<< prev. page << föreg. sida << >> nästa sida >> next page >>
