Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
11
rike, vnde dat vns dar nicht van en bort, so solen de
vor-geschreuene sendeboden hebben ok des ghelikes vulle macht
van vns to antwerdende ju vnde Dennemarkes rike vorberorde
Gotland vnde de stad to Wisbu mit deme slote vrij vnde
vn-beworen, vnde off dat so schege dat welk van vns den dach
vorsumen wolde, dat he edder syne vulmechtige sendeboden
nicht quemen to den dage vnde stede alse desse vorgherorden
scheydes lüde vns vorleggende werden, dat de scheydes lüde
hebben doch denne vulle macht, to antwerdende eme
vorbe-nomede Gotland beyde mit slote stede vnde lande dem ghenen,
de den dach vnde stede soket, vnde syn recht nicht vorsumet»
also vorgerort steyt, vnde dat gi schikken vns so dana
vor-waringe, dat wy vnde de vnsen mogen vriliken soken to den
dage, dar to wesende vnde wedder in vnse beholt to komende
ane vare vnde all argh vor ju vnde den juwen vnde allen den
ghenen de vmme juwen willen solen don vnde läten. Des
ghelikes wille wy ok schikken ju vnde den juwen so dane
vorwa-ringe dar entjegen, so dat gy vnde se mogen vriliken soken
to den dage, dar to wesen vnde wedder in ju beholt to
ko-men ane vare vnde all argh vor vns vnde de vnsen, vnde alle
de vmme vnsen willen, willen vnde Scholen doen vnde, läten,
Dat is ok so ghedeghedinget, bebreuet vnde besegelt to
Kal-meren tusschen beyden dessen riken, dat Gotland sal stån to
rechte &c Ynde hebbe gi vnde de juwe vns edder vnse rike
vmme welkerhande stukke vordermer to schulden, so wille wy
vppe desse vorberorde tijd vnde stede vor den vorberorden
sendeboden ju vnde den juwen ere vnde recht plegen vmme
allent, dat gi vns schulden willen in so daner mate, dat gi
vnde de juwen willen vns vnde den vnsen des ghelikes dar
recht doen alse vorgescreuen steyt, Wy hebben ghescreuen
den heren homester van Pruzsen vnde den Steden dat wy vns
beyden to rechté [scholen] vnde willen don alse vorgescreuen steyt.
Dat irkenne Got, dat it vns leed is van al vnsen herten dat
dessen rikes inwonere solen in jenigerinate eyn den anderen
schaden doen, nach deme wy vnde de vnse so lange grote
lefflicheyt juwen vndersaten bewist hebben, vnde se vns vnde
den vnsern des ghelikes ok wedder. Wy begheren ju enkede
<< prev. page << föreg. sida << >> nästa sida >> next page >>
