Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
390
mestedel alreide vnd werden in viii (8) dagen tom hogesten
afflopende, vnd ik vnd noch ein ander Radesiedemotte
ge-nomp[tj her Hermen Vaike sint dar to geuoget van dem
er-samen Råde vppe de morghen vor houetlude, de almechtighe
Got gheue vns gelncke vnd eventur, so dat de bose tyranne
motte gesturt werden. Item sal an my nicht eebrecken myt
der hulpe van Gade. Item genedighe leue here, so denne
ju genade my wol vormals heft geclaghet vnd boclagheden
den gestrenghen ritter, hem Cnut Aluesson, selligher
decht-nisse, de so jamerlicken van dem leuende to dode in ghuden
louen geslagen vnd in stucken gehouwen wort, dat dennejw
gn[ade] dachte to wreckende, wante it juwen gn[ade] passen
konde, de wylle dat jw gn[ade] ennen warmen blödes
droppen in juwen gnaden liue hadde, aldus so duchte my, dat
it nw wäl de rechte tijdt myt juwen gnaden were, dat ik
juwen gnaden sust int beste torkennende gheue, kan ik juwen
gn[aden] war ane denst wyllen bowisen, dar sal my jw gnade
vlittich vnd wyllich vinden sunder allen twiuel. Item
gene-dighe leue here, so jwe gn[ade] vns denne mede deide van
dem Holme de jacht, so my juwen genaden dener Hillebrant
vnder richtet heft, dat he sodant an jw gnade geuordert hadde
in mynen vnd hern Bernt Bomhouwers namen, dat my denne
vnbow[u]st is, wo dat dar vmme is, aldus so i? myne
frunt-licke bedde an juwe leue, dat ghy my doch willen schriuen
by dusem jegenwardighen, wo dat it dar doch vmme is, wante
her Bernt jo nicht to hus gewest in iiij (4) ofte v (5) wecken,
vnd ik wet ok nicht wanner, dat he to hus kumpt. Wante
ik nw wet, wo dat it dar vmme is, so wyl ik juwen gnaden
ofte vrouwe Metten dar vorsenden wat byllicn is, wente de
jacht de quam nicht hyr, it is noch to Danske. Jw gnade
siik hyr inne ghutwillich bowisen, dat ik des ein wettern
krighe, dat vordeine ik alle tijdt tegen jw gnade vngeepardes
flittes gans gerne myt der hulpe van Gade, dem ik jw gnade
bouelle myt alle juwen gnade siechte vnd ghuden frunden
in langhen salligher woluart, vnd grottet my ser vrow Metten
vnd erer leuen dochter Cristineken vnd juwen gnaden hern
sonne, hern Stene, myt velien m (1000) guden nacht. Gescreuen
in Lubek vnder mynen ingesegel am sonauende in den
helli-ghen passchen anno (Sic. xvcx. Juwen genaden ghutwilligen
Herman Messman.
Utanskrift:
Dem cddelen vnd wolgeborn gestrenghen hernn H. Swante
Nigelsson gubernator des rickes tho Sweden mynen gnedighen
leuen herrn denstlicken geschreuen.
<< prev. page << föreg. sida << >> nästa sida >> next page >>
