Full resolution (JPEG) - On this page / på denna sida - Danmark-Norges Trakfater 1523—60 (Traités da Danemark et de la Norvége 1523—60) - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
253
1536. 20. Dec.
nachkomen und erben wir uns hinwidderumb unser beiderseits
reichen, furstenthumben, landen und leuten zu gutem, gluck,
heil, trost, entsetzung, gedey und aller wolfart, als die dann wir
auch selbst einander nachberlich und nechstanstossende ge
legen, freuntlich verwant und zugethan sein, solicher massen
und also, wie hernach volgt, von dato die nechstvolgende drei
zehen jar lang nach einander, in ein freuntlich und nachber
lich eynung, verstendnis und verwantschaft begeben, zusamen
gesetzt, verbunden, verhaft, verptlicht und verschrieben, wie wir
auch hiemit in craft und macht dieses unsers ufnen briefs
wirglich, wissentlich und bestendiglich thun und gethan wollen
haben:
1. Nemlich das wir vor allen dingen irer kon. durchlauch
ticheit, derselben erben, reiche, lande, leute, underthanen und
verwanten freuntlich, gutlich und gnediglich mit allen treuen
und dem besten meinen, irer aller bestes und wolfart wiessen,
furdern, argstes, nachteil und schaden warnen und verhutten
sollen und wollen nach unserm hochsten vermogen; hieneben
auch ire uffenbare veinde mit vorwiessen geverlicher meynunge
ader weise nicht hausen, hegen nach underschleitfen.
2. Wir sollen und wollen auch niemants, wer der oder die
auch imer sein mochten, es were dann in sachen und vornemen,
key. mat., unsern aller gnedigen hern, mitsambt dem Romischen
reiche vor sich selbs eigens thuns betreffende, keynerley kreigs
volck zu pferde nach zu fus nach jennigen uberzug gegen und
widder ire ko. durchlauchticheit, ire erben, reiche, lande und
leute, denselbigen zu unheil ader schaden, mit wiessen und wil
len, heimlich nach uffentlich, durch unsere furstenthumb und
gebiete zu ziehen, zu reisen, zu passiren und zu kommen gon
nen, vorhengen nach gestatten, besonder das verhindern, ab
keren, werhen und wenden, so vil des bey ader an uns und
unser macht und vormugen steht.
3. Dergleichen auch irer ko. durchlauchtigheit und dersel
ben erben zu wilcher zeit, wan und wie oft ine des von not
ten, renter, knecht, kreigsvolck und andere kreigswahr ader not
turft aus, durch und widder durch unser furstenthumben frey,
velig, sicher und gleitlich bis in ir landtgrentzen umb ir geit
zerende bey verhuttunge, so vil aufs eusserst immer muglich,
unser underthanen verterb und schadens passieren, zuziehen
<< prev. page << föreg. sida << >> nästa sida >> next page >>
