Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Q. B. V.
Cogitanti mihi specimen aliquod Academicum
luci publicæ committere, meamque in
Medico studio qualemcunque probare
sollertiam, varia sese obtulerunt ardua simul ac
maximi momenti argumenta: nullum
tamen sic placuit, ac præsens, quod de LUE
VENEREA inscribitur; cujus pertractatio sane, si
sententiarum divortia Scriptorumque sibi contradicentium spectes
discordias, perquam difficilis: non minus quam in ipsa
denique decumbentium cura periculo plena, imo & interdum
funesta. Ingenue fateor, mihi ne per somnium quidem
obvenisse, in eruditissimo hoc consessu Medicam
Dissertationem ex Cathedra publica à me defensam iri, cum ante hos
quatuor annos in Celebri Aboënsi Academia ad Lauream
Philosophicam olim obtinendam Exercitio Academico de
POMIS HESPERIDUM viam mihi aperuissem: materia quidem,
ut videbatur, non ineleganti, sed leviter à me & pro ratione
ætatis tractata; eo tamen nomine forsan non infeliciter,
quod, cum proprio diffiderem ingenio, aliorum vestigia mihi
sequenda duxissem. Sed nescio quomodo contigit, ut,
postquam profectiones aliquot à Clarissimo, dum viveret,
Medico ac Professore D. Nic. WALLERIO privatim institutas
conspexissem, genio meo ad hæcce sacra subito converso, & ad
hærentem, ut fatear, ab ipfis incunabulis Artis Medicæ
amorem, recurrente, huic me disciplinæ totum traderem
ac consecrarem. Cujus studii has hic offero primitias, multa
<< prev. page << föreg. sida << >> nästa sida >> next page >>
