Full resolution (JPEG)
- On this page / på denna sida
- Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Caput Primum.
De variis Autorum circa Luis Venereæ ortum
sententiis, ejusdemque nominibus.
Ardua sane inter Medicos agitari solet Quæstio: num
Morbi nunc plures quam olim? sed ut brevis sim,
facile hic sequor autoritatem Helmontii, Tum. Pest.
p. 844. adferentis, non omnes morbos simul venisse in
palæstram, sed locorum conditiones, terræ motus,
alterationes corporum per commixtionem cum aliis populis, (puta
post varias migrationes gentium & Imperiorum mutationes)
esculenta denique peregrina, plurimosque in diæta errores,
multas introduxisse stupendas ægritudines, quas ne nomine
tenus vel audivit unquam, vel vidit Antiquitas. Quibus
addo, dilucidationis gratia, singularem illam de Saccharo
observationem, morbosque graviores redditos, postquam
frequens ejus usus in Europa invaluit, fatentibus iisdem, qui
hasce merces omnium maxime divendere solent, Anglis.
Absque ambage Salmasius de Ann. Climact. p. 726. postquam,
unde nova illa morborum genera antiquis ignorata Medicis,
quibus humanum hodie genus vexatur, quæsiisset, cum Indiæ
mercibus ad nos invecta esse, palam profitetur. Sed sileo
alia, in conspectum hac vice solummodo producturus
miserabile illud ex impuro coitu (agnoscendum enim est)
exsurgens scortatorum tormentum, quod Luem Veneream solemni
vocabulo dicimus: quæ quam variè à variis describitur
Autoribus, ratione tum ortus, tum progressus, & curationis,
omnem pæne fidem superat; illa tamen singula sub unum
cogere conspectum tædiosum magis foret, quam utile: ad hos
enim tres potissimum classes dissidentes eorum sententiæ
facile referri possunt. Prima erit eorum, qui Antiquis notam
hanc Luem evincere conantur: quod ad curationem morbi
parum, ad historiam ejus plurimum facit. Secunda erit
illorum, qui hanc primum coepisse in Neapolitana illa, hinc
<< prev. page << föreg. sida << >> nästa sida >> next page >>
Project Runeberg, Sat Dec 9 19:38:25 2023
(aronsson)
(diff)
(history)
(download)
<< Previous
Next >>
https://runeberg.org/defoedalue/0011.html
