Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
insuper Lusitanus, [1] post varia Hippocratis & Galeni allegata
loca, notum his viris hunc morbum fuisse, fidenter adserit.
Sed Benivenius [2] anno quidem 1496 ab Hispania cœpisse
credit, antiquorum tamen Lichen seu Plinii Mentagram hoc
malum facit. Ita autem Plinii locus habet: Hist. N. l. 26. c. 1.
Sensit facies hominum novos, omnesque ævo priori incognitos non
Italiæ modo, verum etiam universæ prope Europæ, morbos tunc
quoque nec tota Italia, nec per Illyricum Galliasque aut Hispanias
magno opere vagatos aut alibi quam Romæ circaque, sine dolore ullo
aut pernicie vitæ, sed tanta fœditate, ut quæcunque mors
præferenda esset. Nec desunt, (verba sunt Casauboni in Not. ad
Sueton.) qui subtiles tumores faciem Cl. Tiberii Cæsaris
deturpantes, pustulas venereas fuisse, arbitrantur. Adferri
etiam Corn. Celsi de Medicina lib. 6. caput 3. solet, ubi de Sycosi
loquens, morbo à fici similitudine Græcis sic dicto,
frequentem in istis partibus esse dicit, quæ pilis conteguntur.
Efficacius hæc ægritudo á Martiali Poëta, mordaci, si quis
alius, depingitur, dum Basio cuidam insultans, lib. 11. Epigr. 99.
sic canit:
Effugere non est, Basse, basiatores;
Non ulcus acre, pusulæve lucentes
Nec triste mentum, sordidique lichenes,
Nec labra pingui delibuta ceroto ,
Nec congelati gutta proderit nasi.
Ficosa est uxor, ficosus & ipse maritus,
Filia ficosa est, & gener atque socer.
Nec dispensator, nec vilicus ulcere turpi,
Nec rigidus fossor, sed nec arator eget.
<< prev. page << föreg. sida << >> nästa sida >> next page >>
