Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
præterea opinionum discrepantia etiam liceat, breviter dicam,
me accedere suspicionibus CLARISSIMI PRÆSIDIS, mihi, cum
super hoc argumento conferrem, communicatis. Nimirum,
cum constet, Barbaras illas fere omnes Americæ gentes non
solum, sed & Afriæ, quæ ardentiore sole exuruntur, libidinis
quodam œstro singulari præ reliquis orbis gentibus agitari,
vexarique, nec puros esse innocuosque ab illo, quo accusari
nefando scelere solent, & illa consuetudine inhumana, utpote
promiscue inter se sordesque, Simiis, Pithecisque mixti, degentes:
utique probabiliter adseri potest, in istis præcipue terris &
confusione horrenda primum existere Venereum hoc virus,
nostro tandem orbi notissimum, postquam per deductas colonias
plurimas & redeuntes quotannis integras classes, in unam quasi
gentem cum Barbaris hisce incœpimus coalescere. Simiis
Pithecisque omnibus mira certe salacitas, & fœda feraque libido
est; unde & propius adstantibus acrem quendam & olidum
fœtorem, Zibethi fere vel Moschi æmulum, spargunt, neque
exilia semper turpia hæcce animalia esse putandum est, sed
quoddam ex iis genus ad æqualem fere homini
altitudinem adscendere solet, ut credibile sit, non aliunde, quam
ex harum bestiarum peregrinantibus olim alicubi visarum
fama, ortam fuisse Veteris Paganismi illam de Satyris
traditionem. conf. Plinius. [1] Hodie certe, lustrato jam toties orbe,
aliud Satyrorum genus non detectum est; quod pluribus
describitur â Margravio, [2] Bontio, [3] Mich. Hemmersam, [4] &
Nic. Köping nostrate, [5] qui fæminam ab ejusmodi Satyro
seu Babiano per vim stupratam gravidamque in urbe Pelicatta
vidit. Tulpius [6] præterea Satyræ fæminæ imaginem dedit,
Indis Ourang-Outang dictæ, quod hominem silvestrem denotat,
ex Angola Americæ regione sua ætate in Hollandiam
<< prev. page << föreg. sida << >> nästa sida >> next page >>
