Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
imprægnato, ut invasit sæpius, ita mox exstincta est. Certe
per inspirationem aëris inquinati solam ista serpit: congressu
tantum abest ut inficiat, ordinario saltem, ut etiam de la
Font Diss. Med. d. Ven. Pest. 1. c. 21. proferat exemplum puellæ
Batavæ, quam peste correptam, ubi extra urbem in hortos
deportata, solaque relicta fuisset, amator juvenis sæpius & sine
noxa invisit: quod exemplum nominasse licebit mihi, cum
hanc mulierculæ pestem venere curatam Vincent. Fabricius
eleganti prorsus & longo insuper carmine complexus sit.
Vid. Misc. Curios. Medico-Phys. Acad. Nat. Curios. An. 1. Obs. 188.
Potius itaque, cum hanc contagionis actionem ad distans
causentur ægroti, suspicandum est, nolle eos peccata sua fateri,
ne forsan existimationis suæ jacturam faciant, si veras causas
propalarent. Wisemanno [1] certe observatum est, quosdam
præ concepto timore qualescunque etiam dolores &
symtomata leviora a venerea statim lue, qua tamen immunes
erant, prognata, sibi persuasisse, usque eo, ut, cum eorum
querelas periti Medici rejecissent, ægre id tulerint, &
conversi ad impostores, sanitatem tandem periculosa illa
inunctionis mercurialis cura una cum nummis perdiderint.
Sed nec in omnes licet uno eodemque haurientes
impuro fonte æque facile transit morbus, sicut de recutitis, &
mulieribus suæ purificationis tempore, deniqe & de aliis passerum
instar vel Canis e Nilo, cito sese expedientibus observatum id
Fallopio [2] & Saxoniæ [3] est. Etiam receptum virus, in
quibusdam naturæ bonitate & robore sopitum hæsit per plures annos,
testibus Capivaccio, Massa, [4] Palmario [5] & Brigtho; [6] nec nisi
casu tandem excitatum fuit, ut in illis apud Amatum, [7] qui
sanati a lue, XVo demum anno ductis uxoribus sanis, liberos hac
labe infectos susceperunt. Horstius [8] etiam, luem diu
occultam, post balnei tandem frequentiorem usum
manifestatam esse, notavit. Alios rursus videmus ægros, Lue,
<< prev. page << föreg. sida << >> nästa sida >> next page >>
