Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
solis, qui diurno tempore, quo minus hæsitarent acredines
in partibus solidis, impediebat. Si ad capillorum criniumque
radices stagnabunt acredines hæ serosæ, Alopeciam
casumque pilorum causabunt: contrario autem modo elongatis
interdum carneis cutis fibris, plicatisque capillis, Plicam dictam
Polonicam (Marlackar nostris) ex hac lue ortam, autor est
Dolæus. [1] Adeoque hic tertium fabulæ Actum, luis scilicet jam
ipsas carnes membranasque occupantis, habemus.
Tandem continget incrassari hasce serositates &
secundum longitudinem ossium indurari in tophos, nodos,
gummata in cranio, tibiis & alibi, tum & ipsam penetrare ossium
substantiam & ad interiorem etiam medullam virus hoc
pertingere, conquerente de profundis doloribus ægra:
Dentium casus fient, imo & unguium interdum; denique ob
stagnationem humore valde acri reddito, erodi & putrescere non
cartilagines solum, sed & ipsa tandem ossa, necesse est. Vox
fit rauca, erosis demum palatinis ossibus, quæ non aliter ac
in templis laquearia, ut parvis componere magna liceat, ad
sonos formandos contribuunt. Exesa vero narium
cartilagine, destituta suo fulcro decora hæc humanæ faciei pars
misere concidit, ossa redduntur mollia , observante id in
Claviculis præter alios Dexterr. Dannwicensis Nosocomii
Chirurgo J. DAHMIO: Benen woro så möra / at the kunde brytas sönder /
som en färsk kringla; sicuti & idem in tophis, licet non
exulceratis ossa tamen in defunctis frangibilia reperit. Ad summum
itaque ultimumque jam deducto malo, pereuntibus sic per
vices membris, lacerum cadaver & jam superis grave
ardenter desiderare humum non mirum est, donec etiam vel
lenta tabes interno, & notabili innixa ulceri depascat
infelices reliquias, vel erosis tandem apertisque pulmonum vasis
suffocans sanguinis effusio tristem animam elidat. Quæ omnia
prolixius, passim licet, habentur apud autores supra allegatos.
Quamquam nec semper longo hocce circuitu Lues utatur,
sed non raro per compendia quasi a prima infectione &
<< prev. page << föreg. sida << >> nästa sida >> next page >>
