Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
præmittere solent evacuationem primarum viarum per
vomitum, vel per secretum, ne postea colluvies ista vel
efficiat angustias præcordiorum, vel in suffocationis periculum
ægrum inducat. Conf. Hildan. c. 5. obs. 92. Solent & balnei
usum adhibere in Nosocomiis nostris, ut densam cutem
facilius postea subeat metallum illitum: etiam venæsectionem,
ubi videtur illa necessaria. His itaque cæremoniis præmissis
paretur linimentum sequens, si Sennertum [1] sequi libet:
Rec. ☿ii vivi purif. unc. 6, adipis suilli non saliti Lib. j.
Extinugatur cum adipe suilla ☿us, & exacte misceatur in mortario
lapideo. Jam adde Medull. crur. bovis unc. s. Terebinth. unc.
iij, 0l. dest. Terebinth. unc. j. m. f. unguentum. d. s.
Resolwerande Salfwa. Hujusmodi fere unguento inungantur plantæ
pedum ac manuum volæ, hinc tali & carpi, tum genuum,
cubitorum & humeri flexuræ; abdomen vero, pectus & caput
non inungenda esse propter funesta symtomata subsequentia
jam sæpius experientia, illa stultorum etiam & temerariorum
magistra, docuit. Inungat autem sese æger lecto calido &
prope fornacem mane & vesperi, & inunctione peracta
membra linteis obvolvantur vel papyro, & æger lecto calido
probe rectus recubet leniterque madeat. Pro singulo litu unciæ
duæ vel tres absumantur. Pro cura integra sufficiunt unciæ
quatuor, vel quinque Mercurii: nam ad sex vel septem
adscendere uncias vix licet. Post quartam vel quintam
inunctionem fere sequitur salivatio: tunc matutina solummodo
inunctio sufficiet, donec ptyalismus rite procedat. Si per
aliquot dies noctesque continuata inunctio anxietates
solummodo & Lipothymias movet, recte & probe monet Zacutus
[2] ab hac desistendum esse, & cum sudoriferis pergendum.
Vel trochiscis sublingualibus promoveatur fluxus, jubente id
Ettmüllero, vel Scr. s. ☿rii dulcis propinetur, vel sudorifero
moveatur cessans illa humorum ineptitudo, vel denique
vomitorio exhibito, notante id ipsum Riverio. C. 1. obs. 77.
Imminentis autem salivationis hæc indicia sunt: Alvus
<< prev. page << föreg. sida << >> nästa sida >> next page >>
