Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
supprimittur, labia tument, gingivæ & tonsillæ, & reliquæ in
maxillis glandulæ distenduntur & dolent. Odor gravis &
fœtidus, dum respirat, percipitur. Tum oris exulceratio, stupor
dentium & vacillatio, erosio gingivarum, linguæ insignis tumor,
cum nausea & anxietate præcordiorum succedit. Et ubi
salivatio rite procedit, spatio nycthemeri libræ fere quatuor
exspuuntur, adnotantibus Sydenham & Pechey. tum
nodulus strophioli muria intinctus dentibus interseratur, ut ita,
hiatu oris patente, liberius saliva somni præcipue tempore
defluat. Salivatio per 20 dies interdum & ad quatuor
septimanas continuetur, in specie attendendum, donec post
fluidiorem & tenuiorem lympham ultimo etiam viscida, fœtida &
glutinosa excernatur, quæ muci spissioris forma parietibus vasis
agglutinata hæret. Linteamina sæpe permutanda sunt, ne
priora unguento infecta salivæ cursum, Medico ad id non
attendente, plus justo intendant. Victu parco & moderato
utatur, jusculis ex pane biscocto paratis, interdum ovo sorbili,
potu ex cerevisia tenuiore. Vino plane abstineat. Nam ubi
plus comedunt ægri, non tam e latibulis ros nutritivus Antiquis
dictus solidarum partium, acido venereo infectus, sub salivæ
forma prodit, quam potius alimenta adsumta & in chylum
digesta excernuntur, uti docet Ettmüllerus. sed & acida vitent
in victu, & aëris frigus ante omnia fugiant: his enim
salivatio subito imminuitur cum maximis præcordiorum angustiis &
aliis symtomatis gravioribus. Alvi obstructio contumax ,
quæ sæpe comitatur, relinquatur sibi. Oris exulceratio
tepido lacte vel raparum decocto & succo foveatur. Contigisse
retulit, quem antea nominaveram, Stockholmensis Chirurgus
J. DAHM, Ægroto, nescio qua de causa salivanti, fluxu
vehementissimo, licet ☿o modice exhibito, ut intumescens
lingua non solummodo jam vix poterat ore contineri, sed &
erosis sanguiferis venis intra viginti horarum spatium quatuor
fere libræ cruoris effluerent; ægro usque adeo debilitato,
ut lecto se vix movere posset. Chirurgus illa, quæ
vulgo præscribi gargarismata solent, adhibere noluit, ne sufflaminaretur
<< prev. page << föreg. sida << >> nästa sida >> next page >>
