Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
DAHMIUS locum aliquoties remedio ex præcipitato &
sublimato mixto, & secuta est perfecta salivatio: æger integre
convaluit, facta ossis exfoliatione magnitudine Carolini
nummi. Idem sutoris uxorem venereo ulcusculo circa nares
adfectam, fœtore insigni & exeso jam septo medio, docuit
penicillo locum adfecum adtingere imbuto melle rosato, cui
infuderat guttas aliquot solutionis mercurii vivi cum Aq. forti;
post unum vel alterum diem intumescere facies tota, & saliva
fluere continuo cœpit. Jussit Chirurgus, ut calido cubiculo
non excederet, sed lectum servaret, ulcus interim Syrupo,
uti cœperat, pergeret inungere. Salivatio per tres integras
septimanas rite processit, post ægra convaluit, valetque. Sed
non tam facili negotio id obtinuit Idem in restione quodam
triginta annorum. Hic omnibus membris ita erat captus, ut
nec ipse cibum capere, licet erat appetitu non prostrato, nec
commovere sese in lecto posset, impetigine præterea
& scabie ulcerosa & crustosa ita undique â capite ad calcem obsitus
& vestitus quasi erat, ut nulla integra pars, ne quidem quæ
extremo tegeretur digito, superesset. decidebant per
intervalla crustæ, cute subtus sicca, sed quæ brevi erumpentibus
dense guttulis exilibus madere primum, post ad pristinum
abiret habitum. Hic jussu Magistratus in Nosocomium
ineunte vere delatus, reliquis salivaturis adnumeratur. In eum
finem unctus fuit, sed frustra: interpositis aliquot diebus,
exhibetur illi à Chirurgo minerale turpetum, idque in
Electuario, ut solveretur certius; datur Mercurius dulcis, sed cum
omnia adhuc essent quieta, sublimatum aquæ magna copia
solutum. cum ne sic quidquam proficerent, jamque tædio
medentibus esset, & ægris reliquis gravis, Cinabarino fumo
tentatur, sed nec illo emotus fuit. Dissolverat Chirurgus
dr. j. mercurii vivi in dr. ij aq. fortis, hanc mixturam aqua
dilutam gustare jubet, quod acceptum aliter totum hausit.
Quo facto, contorquere sese miserandum in modum æger
cœpit, seque vivum exuri clamare. Sed paratam habebat
Chirurgus muriam calidam, qua copiose hausta frequentissimi,
<< prev. page << föreg. sida << >> nästa sida >> next page >>
