Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
salivatio; penicillo itaque vitriolo munito illa solummodo
tetigit orificia & loca, quæ sanguinem fundebant. Sublato sic
hoc impedimento, peracta rite fuit curatio, & æger sanitati
restitutus. Si itaque copiose & cum inflammatione faucium,
erosione, & suffocationis periculo urgeat ptyalismus, tunc
moderandum fluxum docent Practici sequentibus
medicamentis, scilicet per secessum ducentibus, aut injecto enemate, &
frequenti oris abluitione nocte dieque adhibenda. Rolfincius,
clarus Anatomicus & Practicus, in nimia salivatione aureos
nummos ore detinendos exhibuit, quibus brevi ex
adhærerente mercurio albescentibus, alios ori imposuit, & hac ratione
moderata salivatio fuit: adhibitis partitis simul vicibus
Laudano Opiato.
Propter hæcce pericula non raro comitantia
Mercurialem inunctionem, factum est, ut de Medicamentis intro
adsumendis Medici cogitarent, quod & certa dosi exhiberi &
facilius regi possent. Aliis alia placuere, quibus tamen, ut
meum hic interponam judicium, nec convenire puto nec requiri.
In figendo mercurio plurimum laborarunt, salibus præcipue
diversis rodendo, & per præcipitationem postea separando
eundem, etiam additis metallis, quæ sine dubio propius ad
argenti vivi naturam accedunt & longe intimius illi
miscentur. Cui theoriæ superstructum videtur, quod Ucay aperte
laudat locis pluribus, sed verbis occultissimis describit
Præcipitatum Solare. Ut taceam celebratam Gallis Panacæam
universalem dictam, Parisiis ad curationem diversarum luis
venereæ specierum adhibitam sæpius probatamque in
magnifico illo Palatio & vere Regio Nosocomio emeritis
mutilatisque militibus Gallicis dicato, vulgo Aux Invalides,
publico post languentium bono typis vulgatam jussu
LUDOVICI MAGNI, bellicis non minus expeditionibus quam
artibus pacis & longo demum ac felici regimine Regis Gloriosissimi.
Id observatum sæpius est in utraque cura, facile alios, alios cum
difficultate ad ptyalismum moveri. Holmiæ haud ita diu
cuidam fungus ingens in tibia anteriore excreverat: tetigit
<< prev. page << föreg. sida << >> nästa sida >> next page >>
