Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
16-
BONDESTUDENTAR
Tidi trong um? Staalsliti og sjuk laag ho og geispa etter
Tru som Fisken paa Land etter Luft; gjenom alle sine
Dikt skreik ho etter Vilje og Tru; den, som skulde
kunna frelse no, maatte vera Mannen med Barnetrui.
Og den hadde Bonden. Vaarherre hadde stelt det so
godt for dette Lande, at nett som Trui dovna av i dei
øvre Lag, so kunde dei nedre Lag stige fram og frelse;
det var dette som fyrst og fremst gjorde Bonden til
vaar Fremtidsvon. Alle store Gaavur nytta lite utan
den sterke, hugheile Tru; men med den skulde
Bonden, rik paa Kraft som han elles var, byggje det nye
Norig.
Kapellanen heldt lengi paa med den „nordiske
Gude-tru". I den livde vaar gamle Folkeaand sterkast og
klaarast; gjenom den var det at Normanna-Anden
skulde vekkjast paa nytt. Og han saag at ho grodde
i det unge Sinn. Det var forunderlegt, det var
styrkjande aa sjaa, kor lett denne unge Sonen kjende seg
att i Tankeheimen aat sine Fedrar.
Men Daniel var upp i Under yvi all den
Visdomen som Fedrane hadde nedlagt i Gudelæra si. Han
gjekk heim fraa desse Timane i djupe gamalnordiske
Draumar og tenkte med seg, at dei gamle
Nordmen-nane maatte ha vori anna til Karar end desse Kruslingane
no for Tidi.
Men daa han ein Dag fortalde Mor si kva han lærde
hjaa Presten, vart ho forskræmd og spurde um Presten
vilde gjera han til Heidning. Han maatte telja for
henne baade lengi og vel, fyrr ho vart roleg; og han
tala aldri um dei „høge Åser" heime meir. Men di
mindre han torde fortelja, di meir drøymde han.
Ole Johannes spurde ender og daa etter um han
lærde mykje Tysk. Daa var Daniel i Beit. Men han
fann paa aa segja at det var so mykje ein maatte lære
fyrr ein kunde taka paa med det tyske; og det lét Ole
Johannes seg lite med. Paa same Maaten greidde
Daniel seg, naar Bygdefolk spurde um dette. Vilde
<< prev. page << föreg. sida << >> nästa sida >> next page >>
