Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
48-
BONDESTUDENTAR
alt slikt. Men daa han saag at Tarald Ruste ikkje var
fornøgd med dette, lagde han snøgt til, at sjølvsagt var
Sparsemd ein god Ting. „Ja, det lærer du nok aa
forstaa!" meinte Tarald.
Etter dette hadde Daniel mest som ei Von um
Lensmann Ruste.
Og Lensmann Ruste hadde Vonir um Daniel. Han
gjekk og undrast paa, kven han skulde faa med seg
til aa hjelpe Guten fram. I Bygdi var der ingin som
aatte Pengar utan Presten; men det var ingin som
gjekk til Presten etter Pengehjelp. Eit Par Mennar i
Byen var det som ein kannhende kunde freiste.
Grosserar Helle var ein greid Kar i visse Maatar, endaa
han ikkje heldt med Jaabæk. Det var dei som tvila
paa um Grosserar Helle var so rik som han staaka til;
men Tarald tvila ikkje. Og so var det gamle Finsen.
Han hadde hjelpt ein slik Gut fyrr, han; det var alltid
ein som vilde paa Missjonsskulen; men kven veit;
han gjekk gjerne med her au. Tarald Ruste køyrde
til Byen ein Dag og tala med desse Mennane. Og
det gjekk godt. Grosserar Helle sagde Ja paa fyrste
Orde. Finsen var seigare; for han hadde lova
Vaar-herre aa brüka alt det han kunde avsjaa til
Sulu-Missjonen. Men sistpaa gav han seg. Kannhende
Vaar-herre kunde bøygje Hjarta hjaa denne Bondeguten slik,
at han og vart Missjonær ein Gong? Ein fekk setja
alt i Herrens Hand, meinte Finsen. So vart desse
tri Mennane samstellte um, at dei skulde hjelpe Daniel
Sørbraut fram til Student-Eksamen. Og Helle vilde
dei skulde sende Guten til Kristiania paa „Fabriken"
og faa han „ferdig i en Fart"; det var baade billegare
og betre, sagde han; og so hadde Jonas Didriksen paa
Nese gjort med han Peter, Son sin. Dette gjekk dei
med paa, dei andre.
So kom Tarald Ruste svært kry ein Kveld køyrande
til Sørbraut med dette Fagnadbode. Og velkomin vart
han. Heile Huse kom aa Ende; Daniel lo; Mari koka
<< prev. page << föreg. sida << >> nästa sida >> next page >>
