Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
KVÆDE
371
eg driv det ut
og spreider det yvi Jordi,
at det skal flakke um her og der
og træle for sine Brørar;
og kvar det kjem vert det upp-eti;
og det renn burt, og kverv;
og ingin veit kvar der vert av det.
Og framande Føtar
skal traakke Gravine aat eit utrugi Folk,
og eit framandt Maal
skal døyve Minne um det.
Og Beini deira morknar i Gløymsle;
og det er ingin som veit kvar dei ligg.
Men eit nytt Folk veks fram
som du ikkje kjenner;
det skal gjera min Vilje og høyre mine Ord;
og det skal ikkje bu her eller der,
men eige Jordi,
endaa det ikkje eig ho.
Av alle Folk hev eg valt det ut.
Desse er dei som er Brørar,
og elskar kvarandre og dyrkar meg;
og Urett hatar dei av Hjarta.
Som Tre ved Bekk skal dei grønke,
og bera Frukt
til Hugnad for alle som bur paa Jordi.
Men du, min Tenar Asram,
som elska ditt Folk og døydde i di Sorg,
di Sjæl manar eg inn i Syrgjepilen
som heng yvi Gravine;
og alle Fløytur som græt i Skogen,
og Sévi som susar i einsame Vikir og Votn
<< prev. page << föreg. sida << >> nästa sida >> next page >>