Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
KVÆDE
375
og naar me ligg der og søkk
og ikkje kann vinne oss upp,
so glid dei fraa oss og flirer.
Daa lo dei unge.
Og dei blunka til kvarandre og sagde:
desse gamle, stakkar,
kva veit dei um Live som hev gløymt det?
Dette vart au ein Skuletime.
Den stridaste:
mi siste Von var broti.
Men no forstod eg alt.
Ung kann ikkje lære av gamall.
Kunde han det vart han gamall sjølv
og vaaga seg ikkje paa Live;
men berre den som vaagar kann vinne.
Difor er det lagt Mein millom gamall og ung,
at dei ikkje skal skyna kvarandre.
Kvar sitt Maal talar dei
som stend paa kvar si Side av Gaata,
den kvar for seg maa løyse
med Livs Faare og Von.
Og ikkje du men eg, sagde 111 Røynd,
er sett til aa vera Lærar for dei unge;
du skal vera nøgd naar du kjenner
at du kann vera Lærar for deg sjølv.
Eg tagna.
Ei stor Modløyse lagde seg yvi meg;
men der var Ro i Modløysa.
Nye Tankar kom,
meir stille enn dei gamle.
Det er det vel det gjeld um:
lære aa vera Lærar for seg sjølv.
<< prev. page << föreg. sida << >> nästa sida >> next page >>
