Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Ein Gud i Band og i Trældom
sit eg her til Spott. Og Tenarann’ mine er bundne
liksom eg. Det tole og bar eg mykje for lengi.
Aldri Ro i min Hug eg fær, fyrr Stundi er komi,
daa med Hel-Héren fram eg gjeng og Himilen stormar,
leggjande under meg alt; med Rett, for daa hev eg Magti.
Fri vil eg staa og sterk, og frie skal Mennar meg tene;
fri skal den store Lyst yvi Verdi grenselaust fløyme
utan Trege og Sut for deim som er mine av Hjarta.
Eg er Gud og raar; min Vilje er Livslov og Lagnad;
gjenom Ævur og Tid og Rom gjeld mitt Ord aaleine;
ingin set meg Mein i Mannheim, Hel eller Himil.
Daa er Verdi fri og sterk, og Live fær Helse,
løyst av Rædsla sjuk og Samvits pinande Uro;
fritt daa rullar Blod med Elsk og Hat gjenom Aarir;
heit brenn Hug i Strid for glødande Eigin-Vilje;
veikt og skralt og mildt lyt døy og det sterke skal vinne;
Gudar og Djevlar veks paa Jord og Gjerningar store,
Vaae-Verk og Ville-Leik som lyser til Himlen.
Daa er det komi, Rike mitt. Spaa, Volve, naar kjem det?
Volva.
Upprørar er du
alle Dagar,
Liv-Øydar,
Lov-Vendar,
Mot-Gud,
Mot-Krist,
Brjotar som ikkje
Byggjar kann vera.
Eigna-laus
279
<< prev. page << föreg. sida << >> nästa sida >> next page >>
