Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
mengdi upp-ikring Storthingsbygningi. All Verdi skulde
ut og sjaa paa Kongen, visste me; dessutan kunde ein
vel ikkje negte, at det var ei Uro uppe i Aalmenta no
um Dagen. Tru det var noko sant i det siste G jetorde?
— eit Ord som ein beintfram fekk kalla allarmerande ?
Vogni ramla svært, seinført og heimkjenslegt som ho
skrangla i Veg ut-yvi Storgata. Me laut skrike, um me
skulde høyre kvarandre; men Kjenningen min hadde
godt Mæle.
Paa ein høveleg Stad i Samrøda kasta eg inn eit Ord
um den avfarne.
Ja, stakkars Gut, sagde Kjenningen min; han skulde
ha fengi livt no. Nett no. Det hadde forvita honom aa
vera med ved Opningi av Storthinge i Dag t. D., so
sterkt som han var med i Rikslive.
Eg meinte det same. Spurde so: «hev De vori
upp-hjaa Vénen vaar no, med’ han laag sjuk denne siste
Gongen ?»
Jau; Kjenningen min hadde raaka til aa vera ein av
dei tvo-tri rettferdige som var der uppe og saag um ’n.
Men det hadde ikkje vori nokor Greide aa faa paa ’n
lenger. Han var ferdug.
— Fraa Sans og Samling?
Nei; ikkje det. Men reint haatt-laus. Han hugsa
ikkje lenger; var burte fraa allting. Svara burt i Hyr
og Heim paa mest alt ein spurde.
— Det var Hovude daa?
«Det var all Ting. Han var reint avpila. Eg totte
Lækjarane tala um Tuberklar i heile Innreiden. Der var
ikkje det Grand Livskraft att.»
«Hadde han det svært vondt?»
«Nei; han berre jamra yvi Hovudverk stundom. Elles
totte han visst ikkje der var noko sers i Vegen.»
«Skyna han, at han var so burte?»
266
<< prev. page << föreg. sida << >> nästa sida >> next page >>
