Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
mandauimus locum tenentibus nostris in Nouagordia Magna
et hereditati nostre Nouagordie Magne, quod pacem
confirmare deberent. Et locum tenentes nostri in Nouagordia
Magna dux Johannes Johannis Abolenski et marscalcus noster
Johannes Constantini Szaburow ad certam confirmacionem
pacis secundum ostensionem litterarum missis Gøstaui
manum super id dederunt et commiseruut baronibus nostris in
Nouagordia Magna, similiter seniori mercatorum et
mercatoribus reliquis ad corroborandas litteras pacis iuramentum
facere. Etiam missi Gostaui Kanutus Erici cum suis
con-sodalibus litteris pacis, que in hereditate nostra paterna
Nouagordia Magna conseruantur, sigilla sua appenderunt,
iuramento ex parte Gøstaui et tocius regni Swecie adiuncto,
quod Gøstauus et totum regnum cum prefectis nostris
in Nouagordia Magna et hereditate nostra paterna
Nouagordia Magna pacem confimatam firmiter et constanter
velint seruare secundum ostensionem litterarum pacis
et crucis osculacionem vsque ad terminum annorum.
Magnus dominus Vasilius &c. commisit tibi
dicendum: Nos iam temporis mandauimus locum tenentibus
nostris in hereditate nostra paterna Nouagardia Magna, vt
pacem quam locum tenentes nostri dux Johannes Johannis et
marscalcus noster Johannes Constantini datis manibus
confirmarunt, firmiter secundum litteras et crucis osculacionem
teneant vsque ad terminum annorum. Et ipsi mittent ad
Gøstauum pro confirmanda pace nuntios suos, vt Gøstauus
similiter litteris pacis, quas nuntii secum apportabunt,
suum quoque sigillum appendeat cum iuramento pro toto
regno super id addito, quod pacem firmiter et constanter
velint seruare secundum ostensionem litterarum et crucis
osculacionem usque ad terminum annorum.
Dixisti etiam nobis, quod fauere deberemus Sweuicis
in hereditate nostra, vt curiam edificare possent, et quod eis
eandem in veteri consuetudine et libertate seruare velimus.
Huius peticionis damus vobis liberam voluntatem: edificate,
si vultis.
Dixisti insuper nobis, quousque negotiatores Swecie
et in quibus ciuitatibus regnorum nostrorum
negotiacio-nem suam exercere debeant. Negotiator Swecie proficisci
debet vndique in ciuitates nostras et negotiari cum variis
bonis secundum pacis litteras et consuetudinem veterem
vt prius ante tempora.
Magnus dominus &c mandauit tibi dicere: Nomine
Gøstaui nobis indicasti, quod a nostris subditis suis magna
<< prev. page << föreg. sida << >> nästa sida >> next page >>
