Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
— 8 —
Ekki hefi ég enn þá séð hér nokkurs staðar
bréf til þín frá Jóni Sigurðssyni; víst skrifar hann
þér samt til. Annars lætur hann vel yfir sér; hann
hefir nýlega skrifað mér til; — segist hann nú vera
nýbúinn að eignast dóttur, og í ofboði vera að
skjóta seli og gæsir; — er það ekki vænt? Já, hvað
meira er: Ólafur vor Pálsson lætur líka vel yfir
sér. Hann er harðgiftur og segist öngvu kvíða;
bréfin hans eru yfir höfuð ógnarlega guðrækin, og
hann ræður öllum hjartanlega að vera iðnari en
hann var í skóla og svo framvegis.
Bezti Tómas! gaman væri, að ég gæti sjálfur
talað við þig — ó, hvað margt og mikið skyldi ég
þá ekki segja þér! — margt smávegis, sem ég
svona get ekki sagt þér. En Lárus segir þér það allt
saman; hann finnur þig í eigin persónu í sumar..
Veslings Lárus! Hann skal segja þér margt, bæði
af mér og sjálfum sér. Hann prédikaði hér í dag
og hélt góða ræðu um barna-uppfóstur. Ég segi
honum, það sé líka náttúrlegt, af því hann er
paida-gogus.
Ég er núna staddur hérna til að bíða eftir
bréf-um frá Norðurlands-póstinum og skrifa þér svo
þetta á meðan að gamni mínu. Þetta bréf býst ég
við, að fari í póstkassann, hvað sem um annað
verð-ur, sem ég á morgun ætla að skrifa þér suður á
Bessastöðum. Þar innan í ætla ég að låta peninga
til þín, og er mér næst skapi að recommendera það
kapteininum, af því ég líklega verð of seinn með
það. Hvort sem þú færð það fyr eða seinna en
þetta bréf, á það samt að verða framhald af því.
Hvað eigum við að tala um hann Scheving?
Hafði þá Geir sjálfur heyrt hann gjöra þessa
philo-sophisku conjecturu um númerin? — Það þætti
<< prev. page << föreg. sida << >> nästa sida >> next page >>
