Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
— 212 —
Við endalok vetrarins rís gjörvöll náttúran úr
löngum og þungum dvala, til að gegna sinni örðugu
móðurskyldu og ala önn fyrir mörgum börnum; með
sívaxandi yl og ómótstæðilegri blíðu losar vorsólin
þann klakafjötur af jörðunni, sem vetrarins harka
hafði á hana lagt; — hvern morgun skín hún fyr,
og hvert kvöld rennur hún seinna til viðar, svo dýr
og jurtir geti sem lengst notið hennar blíðu og glatt
sig við hennar fagra ljós. Þetta er vorsins ákvarðaða
verk, — en vorið hefir sinn tíma; og þessi tími
tak-markast af sumrinu, — náttúrunnar fullorðinsaldri,
— þá jörðin stendur albúin sínu skarti og frambýður
öllu, sem áfram hrærist, heilnæma og næga fæðu og
hæga blómstursæng að hvílast á, frá sumardagsins
erfiði. Þá eru fóðurjurtirnar fullþroskaðar til
upp-skeru, og sæðið er algjört, sem aftur skal leggjast í
jarðarinnar skaut til næsta árs frjóvgunar. Þá
tek-ur haustið við, — hvíldarinnar undirbúningstími.
Náttúran hefir þá lokið sínu ætlunarverki, hún hefir
glatt og endurnært öll sín börn, og séð þeim fyrir
nægum vetrarforða. — Aldur blómstranna hefir náð
sinu takmarki; blöðin falla af, og eitthvert hret —
vetrarins fyrirboði — beygir þau að fullu til
jarðar-innar, því hvildarinnar stund er komin. — Örþreytt
gengur jörðin að sofa, undir stirðum klakahjúp, og
heimsins ljós víkur afsiðis til að trufla ekki hennar ró.
Vorsins raust skal á sínum tima ein saman megna
að vekja hana.
Þetta er árshringurinn; en honum er einnig,
eftir löggjöf hins alvísa, niðurskift í önnur smærri
tíma-bil, — honum er skift í sólarhringa. Kvöldlaus
sum-ardagur þreytti náttúruna, og ævarandi vetrarnótt
yrði óbærileg. Þar fyrir skóp guð dag og nótt, sem
skulu, svo lengi sem þessi veröld stendur, fylgja hvort
<< prev. page << föreg. sida << >> nästa sida >> next page >>
