Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
— 251 —
aö þeim er á hendur falin umsjón yfir sundpiltunum,
og þeim ber að ábyrgjast allt það, er hljótast kynni af
hirðuleysi þeirra, eða óreglu í sundskólanum.
UM RÍMUR AF TISTRANI OG INDÍÖNU,
„ORKTAR AP SIGURDI BREIDFJÖRD",
(prentaðar í Kaupmannahöfn, 1831).
„Nec satis adparet, cur versus factitet; utrum
minxerit in patrios cineres, an triste bidental
moverit incestus: certe íurit".
Hor. A. P. 470 seqq.
Eins og rímur (á íslandi) eru kveðnar, og hafa
verið kveðnar allt að þessu, þá eru þær flest-allar
þjóðinni til minnkunar — það er ekki til neins að
leyna því — og þar á ofan koma þær töluverðu illu
til leiðar: eyða og spilla tilfinningunni á því, sem
fag-urt er og skáldlegt og sómir sér vel í góðum
kveð-skap, og taka sér til þjónustu „gáfur" og krafta
margra manna, er hefðu getað gjört eitthvað
þarf-ara — ort eitthvað skárra, eða þá að minnsta kosti
prjónað meinlausan duggarasokk, meðan þeir voru
að „gullinkamba" og „fimbulfamba" til ævarandi
spotts og aðhláturs um alla veröldina. En því er
bet-ur, það er eins og menn séu farnir að vakna við. Það
eru farnar að rísa upp raddir móti þessum ósóma;
og ein af þessum röddum, sem talar og lætur til sín
heyra á eyðimörku, hún er ekki ónýt, og hefir —
að mig vonar — komið einhverju til leiðar.
Sunnan-póstinum hefir tekizt vonum betur, þar sem hann
minnist á rímurnar. Það er eins og hann lifni þar
ögn við. Pósturinn er allt í einu orðinn meinlegur
og smá-fyndinn. Það eru agnhnúar á því, sem hann
<< prev. page << föreg. sida << >> nästa sida >> next page >>
