Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
heita fullsannað, að svo er ekki. Karl Müllenhoff heldur,
að Thule hafi verið ein af Hjaltlandseyjum og eru ýmsir
aðrir á hans máli, [1] aptur á móti ætlar Keyser, Sv.
Nilsson og Brenner, að Thule sé Noregr eða Skandínavía; [2]
Malte Brun hélt að Thule væri Jótland (Thy), Rudbeck
að Thule væri Svíþjóð o. s. frv. Af seinní mönnum hefir
Müllenhoff ritað einna mest og bezt um Pyþeas og um
þekkingu fornþjóðanna á norðurhluta Európu; ritgjörðir
og bækur vísindamanna um þetta mál skipta hundruðum.
Þó nú mörg af ritum þessum hafi mjög aukið þekkingu
manna á sögu rannsóknanna og landfræðinnar, þá
er það þó enn með öllu óvíst, hvaða land það var, sem
Pyþeas kallaði Thule, enda má oss Íslendingum standa á
sama, úr því, það er ekki hægt að finna fullnægjandi
líkur fyrir því að Thule sé sama og Ísland. Aðalfjöldi
fornra höfunda kallar það allt Thule, sem er ókunnugt í
norðri; seinna héldu Rómverjar að Hjaltland eða einhver
af Orkneyjum væri Thule, og á 6. og 7. öld hafa sumir
rithöfundar sett þetta nafn á Noreg eða Skandínavíu.
Líklega geta menn aldrei ráðið gátuna um ferðir Pyþeasar
til Thule, áf þvi frumritin eru glötuð og ritbrotin,
sem til eru hjá öðrum höfundum, eru eflaust umsnúin og
aflöguð.
<< prev. page << föreg. sida << >> nästa sida >> next page >>
